काठमाडौं- अमेरिका जानु धेरै नेपालीको सपना हो । अध्ययन, रोजगार, घुमफिर, पारिवारिक भेटघाटजस्ता उद्देश्यले हरेक वर्ष हजारौँ नेपालीहरु अमेरिका गइरहेका हुन्छन् ।
तर अब भने अमेरिका जान अझ महङ्गो हुने भएको छ । अमेरिकाले भिसा शुल्क बढाएसँगै अमेरिका जान महङ्गो हुने भएको हो ।
अमेरिकाले एच १ बी, एल १ र ईबी ५ जस्ता ननइमिग्रेन्ट भिसाकोे शुल्क बढाएको हो । पछिल्लो पटक बढेको शुल्क भने आगामी अप्रिलदेखि बल्ल लागू हुने अमेरिकी सञ्चार माध्यमले जनाएका छन् ।
पछिल्लो शुल्कवृद्धि अनुसार एच १ बी भिसाको शुल्क ४६० डलरबाट बढाएर ७८० डलर पु¥याइएको छ । त्यसबाहेक यो श्रेणिको भिसाको रजिस्ट्रेसन शुल्क पनि १० डलरबाट बढेर २१५ डलर पुगेको छ ।
त्यस्तै, एल १ भिसाको शुल्क ४६० डलरबाट बढेर १ हजार ३८५ डलर पुगेको छ । त्यसैगरी ईबी ५ भिसाको शुल्क ३ हजार ६७५ डलरबाट ११ हजार १६० डलर पुगेका छ ।
यो खबर पढेर तपाईलाई कस्तो महसुस भयो ?
प्रतिक्रिया