काठमाडौँ-इलेक्ट्रिक भेहिकल (इभी) कम्पनी टेस्लाको शेयर मूल्यमा तीव्र गिरावट आएको छ ।
कम्पनीका सीईओ इलन मस्कले यो वर्ष बिक्री कमजोर रहने चेतावनी दिएपछि कम्पनीको शेयर मूल्यमा गिरावट आएको हो ।
टेस्लाको मार्जिनसँगै बजार मूल्य पनि एकै पटक करिब ८० अर्ब डलरले घटेको छ ।
टेस्लाको स्टकले गत साता बजार मूल्यमा ८० बिलियनको साथ एक वर्ष भन्दा बढीमा सबैभन्दा तीव्र मूल्य गुमाएको हो ।
मस्कले चिनियाँ अटो मोबाइल कम्पनीहरूमाथि व्यापार प्रतिबन्ध लगाउन नसके विश्वका अटोमोबाइल कम्पनीहरूका लागि खतरा बन्न सक्ने बताएका थिए ।
यस्तै उनले चिनियाँ अटो मोबाइल कम्पनीहरूले कडा प्रतिस्पर्धा गरिरहेको र उनीहरूमाथि कर नलाग्ने हो भने उनीहरूले चीनबाहिर ठूलो सफलता हासिल गर्न सक्ने पनि बताएका थिए ।
यो खबर पढेर तपाईलाई कस्तो महसुस भयो ?
प्रतिक्रिया