काठमाडाैँ – बलिउडमा चर्चित फिल्मफेयर अवार्डको ६९ औ संस्करण शनिबारबाट गुजरातमा सुरु भएको छ । समारोहको पहिलो दिन विक्की कौशलको ‘सामबहादुर’ को वर्चस्व देखिएको हो ।
‘सामबहादुर’ ले ‘टेक्निकल क्याटेगोरी’मा ‘सर्वश्रेष्ठ साउण्ड डिजाईन’,‘सर्वश्रेष्ठ कष्ट्युम डिजाईन’ र ‘सर्वश्रेष्ठ प्रोडक्सन डिजाईन’ को अवार्ड हात पारेको छ ।
अभिनेता अपारशक्ति खुराना र अभिनेत्री करिश्मा तन्नाले होस्ट गरेको समारोहमा ‘सिनेमाटोग्राफी’,‘पटकथा’,‘भेषभुषा’,‘सम्पादन’ सहितका प्राविधिक विधाका विजेताको घोषणा गरिएको थियो ।
जस अन्तर्गत गणेश आचार्यको फिल्म ‘राकि और रानी की प्रेम कहानी’ को ‘व्हाट झुमका’ गीतले ‘सर्वश्रेष्ठ कोरियोग्राफी’ को अवार्ड हात पारेको छ ।
त्यस्तै ‘टुवेल्थ फेल’ ले ‘सर्वश्रेष्ठ सम्पादन’ को अवार्ड जित्दा शाहरुख खानको ‘जवान’ ले ‘सर्वश्रेष्ठ स्पेशल ईफेक्ट’ र ‘सर्वश्रेष्ठ एक्सन’ को अवार्ड जितेको छ ।
यता ‘एनिमल’ले ‘सर्वश्रेष्ठ ब्याकग्राउण्ड स्कोर’को अवजार्ड जिजित्यो भने ‘सर्वश्रेष्ठ साउण्ड डिजाईन’ अवार्ड ‘सामबहादुर’सँग साझा गर्नु परेको छ ।
यो खबर पढेर तपाईलाई कस्तो महसुस भयो ?
प्रतिक्रिया