यू-१९ विश्वकप : न्यूजील्याण्डले नेपाललाई दियो ३०३ रनको लक्ष्य

काठमाडौं – जारी यू-१९ क्रिकेट विश्वकपमा न्यूजील्याण्डले नेपाललाई ३०३ रनको लक्ष्य दिएको छ । टस जितेर पहिला ब्याटिंग गर्दै न्यूजील्याण्डले ५० ओभरमा ८ विकेट गुमाउदै ३०२ रन बनाएको हो ।

न्यूजील्याण्डका लागि स्नेहित रेड्डीले अविजित १४७ रनको शतकीय पारी खेलेका थिए । त्यस्तै कप्तान ओस्कार ज्याक्सन ७५ रन बनाएर आउट भएका थिए ।

त्यसैगरी नेपाली बलर सुबास भण्डारीले ३ विकेट लिए भने गुलशन झाले २ विकेट तथा दिपेश कँडेल, तिलक भण्डारी र आकाश त्रिपाठीले एक एक विकेट लिएका थिए ।