अयोध्यामा प्रस्तुति दिँदै हेमा मालिनी

काठमाडाैँ – २२ जनवरीमा हुन लागेको अयोध्या राम मन्दिरको उद्घाटनको चर्चा चौतर्फी छ । यो समारोहलाई ऐतिहासिक र भव्य बनाउन कुनै कसर बाँकी नराख्ने गरी भारत अघि बढेको छ ।

यही सन्दर्भमा भगवान रामकाे अभिषेकका लागि बलिउडदेखि राजनीतिक जगतका धेरै ठूला व्यक्तित्वलाई निम्तो दिइएको छ। त्यसको तयारी पनि तीव्र रूपमा भइरहेको छ। 

जुन अवसरमा बलिउडकी एक दिग्गज अभिनेत्रीले यस दिन रामायणमा आधारित नृत्य प्रस्तुति दिने खबर आएको छ।

रामायणमा आधारित यो डान्स ड्रामा अरू कसैले नभई बलिउडकी ड्रीम गर्ल अर्थात् हेमा मालिनीले प्रस्तुत गर्न लागेकी हुन्।  यो कुरा नायिका आफैँले एक भिडियो मार्फत जानकारी गराएकी हुन् । 

 ‘जय श्री राम, म पहिलो पटक अयोध्या आउँदै छु र त्यो पनि रामलालाको मन्दिरको उद्घाटन हुने समयमा’ उनले भनेकी छिन – जसको लागि मानिसहरू वर्षाैँ पर्खिरहेका थिए।

जगत गुरु पद्मविभूषण तुलसी पीठाधिश्वर जगत गुरु रामनन्द स्वामी रामभद्राचार्य जीको ७५ औँ जन्मजयन्ती १४ जनवरीदेखि २२ जनवरीसम्म मनाइँदै छ।’

‘मन्दिरको उद्घाटन र गुरुदेवको जन्म जयन्तीको उपलक्ष्यमा आगामी जनवरी १७ साँझ ७ बजे अयोध्या धाममा मेरो सम्पूर्ण टोलीसँग रामायणमा आधारित नृत्य नाटक प्रस्तुत गर्न लागेको छु।’

उनले भनेकी छिन् – ‘त्यसैले आउनुहोस्, यो सनातन पर्व मनाउन अयोध्या धाममा सबै मिलेर बसौँ।’

उनी भारतीय जनता पार्टीकी सांसद समेत हुन । हेमा प्रायः राजनीतिक मुद्दाहरूमा आफ्नो विचार व्यक्त गरिरहेको देखिन्छन्।