काठमाडौँ – पप सङ्गीतका राजाका रूपमा चर्चित माइकल ज्याक्सनको जीवनमा आधारित फिल्म ‘माइकल’ को प्रदर्शन मिति तय भएको छ।
हलिउड स्टुडियो लायन्सगेटको यो फिल्म १८ अप्रिल सन् २०२५ बाट प्रदर्शनमा आउँदै छ । लायन्सगेटले यो फिल्मलाई उत्तर अमेरिका र युनिभर्सलले अन्तर्राष्ट्रिय बजारमा रिलिज गर्दै छन् ।
गायनसँगै आफ्ना सिग्नेचर डान्स स्टेपका कारण प्रसिद्ध ज्याक्सन बायोपिकमा एन्टोइन फुक्वाले निर्देशित फिल्ममा ‘स्काइफल’ लेखक जोज लोगानको कथा रहेको छ।
यो फिल्ममा उनको चाखलाग्दो कथा पछाडिको व्यक्तित्वलाई चित्रण गरिएको छ भने ज्याक्सनको भूमिकामा उनकै भतिजा जाफर ज्याक्सन देखिनेछन्।
धेरैको चासो रहेको यो फिल्मले बालबालिकाको दुर्व्यवहारमा पपस्टार मुछिएको विवादित घटनालाई चित्रण गर्छ कि गर्दैन भन्ने कुरा उल्लेख छैन । यद्यपि यो मुद्दामा जाक्सन निर्दोष पाइएका थिए ।
उनको सन् २००९ मा ५० वर्षको उमेरमा निधन भएको थियो।
यो खबर पढेर तपाईलाई कस्तो महसुस भयो ?
प्रतिक्रिया