‘कौन बनेगा करोडपति’ शोको बिदाइमा अमिताभले जब आँसु बगाए

कौन बनेगा करोडपति १५’को अन्तिम श्रृंखला छायांकन गर्ने क्रममा अमिताभ बच्चन भावुक देखिएका छन् । सिजनको अन्तिम एपिसोडलाई टुंग्याउनुअघि ‘शुभरात्री’ भन्दा उनले छायांकन गरेकै बेला आँसु बगाए । यो शो अर्को वर्ष सिजन १६ सहित फिर्ता हुनेछ ।

उनको त्यो भिडियोले फ्यानलाई भावुक बनायो किनभने अमिताभले सम्भवतः अहिलेको सिजन अन्त्यको संकेत गरिरहेका थिए । अमिताभको यो भिडियो सामाजिक संजालमा ट्रेन्ड भैरहेको छ ।

‘कौन बनेगा करोडपति १५’ सोमबारदेखि शुक्रबार राति ९ बजे सोनी टिभीमा प्रसारण हुन्छ । सोनीलिभ एपमा पनि सो शो स्ट्रिम गरिन्छ ।