एजेन्सी- बलिउडकी चर्चित अभिनेत्री आलिया भट्टले यसवर्ष ७८औं संस्करणको कान्स फिल्म फेस्टिभलमा भव्य प्रवेश गरेकी छन्। यो उनको कान्स रेड कार्पेटमा पहिलो पटकको सहभागिता हो। विश्वकै प्रतिष्ठित मानिने कान्स फिल्म फेस्टिभलको रेड कार्पेटमा उनले पहिरन र उपस्थितिले व्यापक चर्चा कमाएकी छन्।
आलियाले रेड कार्पेटमा प्रवेश गर्दा गुच्ची ब्रान्डले विशेषरूपमा डिजाइन गरेको सेतो र चाँदीको मिश्रण भएको आधुनिक शैलीको सारी गाउन पहिरिएकी थिइन्। यो सारी गाउनको डिजाईन परम्परागत भारतीय पहिरनलाई आधुनिक फेसनमा प्रस्तुत गरिएको शैलीमा बनाइएको थियो, जसमा सारीको बनावट, गाउनको फिटिङ र स्टाइलको अद्भुत संयोजन देखिन्थ्यो।
गुच्ची ब्रान्डले पहिलोपटक कुनै अभिनेत्रीका लागि विशेष गरी सारी डिजाइन गरेको हो। आलियाको यो पहिरनले न केवल फेसन प्रेमीहरूमा उत्सुकता जगाएको छ, तर सांस्कृतिक सम्पदालाई विश्व मञ्चमा प्रस्तुत गर्ने उदाहरण पनि बनेको छ। उनको स्टाइल, आत्मविश्वास र गरिमामय उपस्थितिको प्रशंसा सामाजिक सञ्जालमा व्यापक रूपमा भइरहेको छ।
आलियाको तस्बिरहरू हाल इन्स्टाग्राम, ट्विटर, र फेसबुकजस्ता प्लेटफर्महरूमा भाइरल भइरहेका छन्। फ्यानहरू मात्र नभई फेसन विशेषज्ञहरूले पनि उनको लुक्स, मेकअप, र स्टाइलको प्रशंसा गरेका छन्। धेरैले उनलाई “इन्डियन एलिगेन्स र ग्लोबल फेसनको संयोजन” को रूपमा व्याख्या गरेका छन्।
यो खबर पढेर तपाईलाई कस्तो महसुस भयो ?
प्रतिक्रिया