यशराज फिल्मले जुनियर एनटीआरलाई वारः२ पछि पनि थप फिल्म दिने

काठमाडौं – ऋतिक रोशन, कियारा आडवाणी र जुनियर एनटीआरको आगामी फिल्म ‘वार २’ यस वर्षको बहुप्रतिक्षित फिल्म हो । जुनियर एनटीआर र ऋतिक रोशन यशराज फिल्म्स स्पाई युनिभर्सको यो फिल्म मार्फत पहिलो पटक स्क्रिन सेयर गर्न लागिरहेका छन्। चलचित्रको टिजर जुनिएर एनटिआरको जन्मदिनको दिन रिलिज हुँदैछ ।

अब यो खबर आएको छ कि वारः२ मा जुनियर एनटीआरको क्यारेक्टर यतिमा मात्र सीमित नभई निर्माताहरूले यसलाई अझ विस्तार गर्ने भएका छन्।

‘वार २’ सन् २०१९ को ब्लकबस्टर फिल्म ‘वार’ को सिक्वेल हो। वारमा टाइगर श्राप ऋतिक रोशनसँग भिलेनको भूमिकामा देखिएका थिए । जहाँ अब वार ः२ मा यो जिम्मेवारी जुनियर एनटीआरको काँधमा रहेको छ । तर, यशराज फिल्म्स स्पाई युनिभर्समा उनको यात्रा वारः २ मा समाप्त नहुने भएको हो ।

इटाइम्सको रिपोर्ट अनुसार आदित्य चोपडा जूनियरले एनटिआरको चरित्रलाई सलमान खानको ‘टाइगर’ र शाहरुख खानको ‘पठान’ जस्तै अगाडि लैजाने योजनामा रहेका छन्। अब पठान पछि पठान २ पनि चाँडै बन्दैछ ।

यो पनि भनिएको छ कि निर्माताहरूले जुनियर एनटीआरले वारः२ मा खेलेको क्यारेक्टरलाई फ्रेन्चाइजको महत्वपूर्ण हिस्सा बनाउन लागिरहेका छन्। जसअनुसार यशराज फिल्म्स स्पाई युनिभर्समा भविष्यमा धेरै फरक परियोजनाहरूमा उनलाई देख्न सकिने भएको छ ।

तर, वारः२ मा साउथ अभिनेता कुन भूमिकामा देखिन्छन् र उनको भूमिकाले दर्शकको ध्यान खिच्न कत्तिको सफल हुन्छ त्यो भने चासोको विषय रहने नै छ ।