खेम सेन्चुरी र शान्तिश्री परियारको सहकार्यमा नयाँ गीत ‘परदेशी हुनै मन छैन’

काठमाडौं– पछिल्लो समय सम्बन्धमा दरार आएको चर्चा चलिरहेका बेला लोकगायक खेम सेन्चुरी र गायिका शान्तिश्री परियारको नयाँ गीत ‘परदेशी हुनै मन छैन’ सोमबार सार्वजनिक भएको छ।

गीतकार तथा निर्माता प्रहरी निरीक्षक भूपेन्द्र बुढाथोकीको पहलमा तयार भएको यो गीतमा दुबैले अलग-अलग समयमा स्वर दिएका हुन्। सुरुमा सहकार्य गर्न नमान्ने उनीहरू निर्माण खर्च भइसकेपछि सहमतिमा पुगेका थिए।

खेम र शान्तिश्रीले यसअघि थुप्रै हिट गीतहरू दिएका छन्, तर पछिल्लो एक वर्षदेखि उनीहरूको व्यक्तिगत सम्बन्धमा चिसोपन देखिएको थियो। नयाँ गीतले उनीहरूबीच पुनः सहकार्यको ढोका खुलेको चर्चा सुरु भएको छ।