रकस्टारका निर्देशक इम्तियाज अलिले यस बर्ष तीन फिल्म ल्याउने

काठमाडौँ – यो वर्ष फिल्म निर्माता तथा निर्देशक इम्तियाज अलीले दर्शकका लागि धेरै फिल्मको उपहार ल्याउने भएका छन् ।केही समय अघि उनको रोमान्टिक कमेडी फिल्मको खबर आएको थियो, जसमा फहाद फाजिल र तृप्ति डिमरी मुख्य कलाकारको रुपमा देखिने भएको भनिएको छ ।

यस फिल्मको नाम ‘इस्तानबुलको इडियट्स’ भनिएको छ । यो फिल्मसँगै एक कालखण्डको प्रेमकथा पनि उल्लेख गरिएको छ । अदिति राव हैदरी र अविनाश तिवारीको अभिनय रहेको यी नयाँ फिल्ममा अर्को प्रेमकथा सुरु भएको खबर छ ।

अदिती राव हैदरी र अविनाश तिवारी अभिनित यो चलचित्र विशुद्ध रोमान्टिक प्रेमकथा हुनेछ, यद्यपि यसको नाम भने खुलाइएको छैन । यो फिल्म २०२५ को समर सम्ममा पूरा हुने बताइएको छ । स्रोतका अनुसार इम्तियाज अली यस फिल्मपछि आफ्नो लाइनअप प्रोजेक्टमा काम गर्नेछन् । अदिति राव हैदरी र अविनाश तिवारीले फेब्रुअरीको अन्त्यबाट आफ्नो फिल्ममा काम सुरु गर्ने बताइएको छ ।

पिंकभिलामा प्रकाशित रिपोर्टका अनुसार फेब्रुअरी २६ बाट स्टारहरुले यसमा काम गर्नेछन्, जसको सुरुदेखि अन्त्यसम्म ननस्टप छायांकन हुनेछ, जसको समय तालिका पनि बनाइएको छ ।

यो फिल्म सकिएपछि इम्तियाज अली आफ्नो ‘पिरियड लभ स्टोरी’ मा काम गर्नेछन् । जसका लागि कलाकार पक्का भइसकेको छ । यस फिल्ममा दिलजीत दोसाँझ, वेदांग रैना र नसिरुद्दीन शाहको मुख्य भूमिका रहनेछ । यी दुई फिल्मको छायांकन सकिए पछि निर्माताले अर्को रोमान्टिक कमेडी फिल्ममा काम गर्ने भएका छन् ।

यो वर्ष दुईवटा फिल्म गरे पछि तृप्ती र अविनाशको फिल्म ‘इडियट्स अफ इस्तानबुल’ को छायांकन सुरु हुनेछ । पछिल्लो एक वर्षमा इम्तियाज अलीले ३ फिल्मको स्क्रिप्टमा काम गरिसकेका छन्, जसलाई उनी यसै वर्ष फ्लोरमा ल्याउने भएका छन् । इम्तियाज अलीको आगामी तीन फिल्मको कथा एक अर्काभन्दा बिल्कुलै फरक रहेको बताइएको छ । यी तीन चलचित्रबाट चलचित्रकर्मीले धेरै अपेक्षा गरेका छन् ।