कबिर खानको फिल्ममा अब बिक्की कौशल

काठमाडौँ- विक्की कौशल अहिले बलिउडका व्यस्त कलाकार मध्येका एक हुन् । अहिले उनका ‘छावा’, ‘लभ एन्ड वार’, ‘महावतार’ जस्ता धेरै रोमाञ्चक फिल्महरु पाइप लाइनमा छन् ।

यसैबीच, विक्की कौशलले आफ्नी पत्नी कट्रिना कैफका साथी र निर्देशक कबिर खानसँग मिलेर अर्को फिल्म बनाउने भएका छन् ।

फिल्म फेयरको रिपोर्ट अनुसार विक्की कौशल र कबिर खानले एकअर्काको कामको तारिफ गरिरहेका हुन्छन् । अहिले दुवैले एकसाथ फिल्ममा काम गर्ने योजना बनाएका छन् ।

कबिर खान र कट्रिना कैफ लामो समयदेखि साथी हुन् । कट्रिना र विक्की कौशलले विवाह गरेदेखि कबिर पनि विक्कीको राम्रो साथी र मेन्टर बनेका छन् । तर, यी सबैको बीचमा विक्की कौशल र कबिर खानलाई सँगै काम गरेको हेर्न फ्यानका लागि रोचक हुनेछ ।

भर्खरै कबिर खानले एपलाज इन्टरटेनमेन्टसँग दुई फिल्मको घोषणा गरेका छन् । ‘बजरंगी भाइजान’का निर्देशकले एपलाज इन्टरटेनमेन्टका एमडी समीर नायरसँगको फोटो सेयर गरेर यसबारे जानकारी दिएका थिए ।

विक्की र कबिरको कुरा गर्दा गत वर्ष फिल्म निर्माताको ‘चन्दु च्याम्पियन’ रिलिज हुँदा विक्की कौशलले यसको निकै तारिफ गरेका थिए । विक्कीले फिल्ममा कार्तिक आर्यनको अभिनयको पनि तारिफ गरेका छन् ।