तिलक सिंह पेलाको ‘तिम्रो याद’ सार्वजनिक (भिडियो)

काठमाडौँ– गायक तथा सङ्गीतकार तिलक सिंह पेलाको ‘तिम्रो याद’गीत म्युजिक भिडियोसहित सार्वजनिक भएको छ ।

यसै साता सार्वजनिक भएको गजल गीतमा पेलाको सङ्गीत र स्वर रहेको छ । गजल रचना भने सञ्जय जुगजालीले गरेका हुन् । बाबुराजा के.सी.को निर्देशन रहेको भिडियोको सम्पादनमा अमृत चापागाईं र छायांकनमा चक्र बि. बराल छन् ।

भिडियोमा पेलासँगै सहदेव भट्ट, रमेश जोशी र बाल कलाकार अलिश बास्तोलाको अभिनय रहेको छ ।
शास्त्रीय सङ्गीतमा ख्याति प्राप्त पेला तीन दशशदेखि गायन र साधनमा तल्लीन छन् ।

चुपचाप साधनामा रहेका पेलाको दुई वर्ष अघि सार्वजनिक भएको ‘के लत बस्यो’ गीत अत्यन्तै लोकप्रिय भएको थियो । गीतसँगै पेला पनि एकाएक चर्चामा आएका थिए । उनका ‘लुकाउन खोज्दा पनि,’ ‘हेर दिन ढल्यो,’ ‘मैले गीत सुनाएँ,’ ‘पल पल यस्तै तिमीलाई,’ ‘कथा एउटै तिम्रो मेरो,’ ‘निर्जन किनारसँग’ लगायतका गीतहरु लोकप्रिय छन् ।

वि.सं. २०५३ सालमा ‘आँसु’ एलबमका साथ साङ्गीतिक क्षेत्रमा आएका पेलालाई बैतडीको पहिलो आधुनिक गायकका रुपमा समेत लिइन्छ ।

भिडियो :