‘लाज शरणम्’को नयाँ पोस्टर सार्वजनिक, मोहम्मद आफताव आलमको लुक्समा धुर्मुस

काठमाडौँ- फिल्म ‘लाज शरणम्’को नयाँ पोस्टर सार्वजनिक भएको छ । नयाँ पोस्टरमा अभिनेता सीताराम कट्टेल (धुर्मुस) नेपाली कांग्रेसका नेता तथा पूर्वमन्त्री मोहम्मद आफताव आलमको लुक्समा देखिएका छन् ।

पोस्टरमा अफताव आलम बनेका कट्टेलले हात उठाएर अभिवादन गरिरहेको देखिन्छन् ।

जिउँदो मानिसलाई इँटाभट्टामा हालेर हत्या गरेको अभियोगमा आलमलाई रौतहट जिल्ला अदालतले दोषी ठहर गर्दै जन्मकैदको फैसला गरेको थियो ।

यो फिल्म आउँदो फागुन १४ गते महाशिवरात्रिको अवसरमा प्रदर्शन हुन लागेको छ । फिल्ममा कट्टेलसहित विजय बराल, महेश त्रिपाठी, अर्पण थापा, रेणु योगी, विजय लामा, मुकुन्द श्रेष्ठ, माला लिम्बू लगायतको अभिनय छ ।

फिल्मको निर्देशन कुमार कट्टेल (जिग्री ब्रो)ले गरेका छन् । उनको यो डेब्यु निर्देशन हो ।