काठमाडौँ– विज्ञापन क्षेत्रमा इस्टु कार्कीको व्यस्तता निकै छ । उनको फरक शैलीको विज्ञापन भिडियोलाई धेरैले रुचाएका छन् । सामाजिक सञ्जालमा उनको भ्लग र कमेडी भिडियोहरु समेत चर्चित छन् ।
सर्लाही हरिपुरकी इस्टु कलाकार बन्ने हुटहुटी लिएर शहर छिरेकी थिइन् । थिएटर भिलेजकी विद्यार्थी उनले नाटक ‘मकैको खेती,’ ‘दाँतको डोब,’ टेलिसिरियल ‘हल्का रामाइलो,’ फिल्महरु ‘साइँली,’ ‘दुई नम्बरी,’ ‘नाङ्गो गाउँ’लगायत थुप्रै म्युजिक भिडियोहरुमा अभिनय गरेकी छिन् ।
