काठमाडौँ- चितवनमा एक जना युवालाई कुट्ने प्रहरी निलम्बनमा परेका छन् ।
युवालाई निर्घात कुटपिट गर्ने असई बुद्धिबहादुर भुजेललाई निलम्बन गरिएको हो । असई भुजेल अस्थायी प्रहरी बिट गणेशधाममा कार्यरत थिए।
प्रहरीले सडकपेटीमा एक जना युवालाई निर्घात कुटपिट गरेको भिडियो अहिले सामाजिक सञ्जालमा भाइरल भइरहेको छ । भिडियोमा कैद भएको घटना पुस १५ गते राति ११ बजे चितवनको भरतपुर महानगरपालिका-११ तीनखोले गुम्बानजिकै बाइपास रोडमा भएको जनाइएको छ ।
सामाजिक सञ्जालमा भिडियो भाइरल बनेपछि प्रहरीले अनुसन्धान थालेको छ ।
यो खबर पढेर तपाईलाई कस्तो महसुस भयो ?
प्रतिक्रिया