काठमाडौँ- नेपाल आइडल सिजन २ विजेता रवि ओडको स्वरमा `किन दुख्छ मुटु´ गीत म्युजिक भिडियाेसहित सार्वजनिक भएकाे छ । बुधबार ‘रवि ओड युट्युब’ मार्फत सार्वजनिक भएको गीतमा लाल कुमारी जोगि (पुलामी) को शब्द र आईत पुलामीको सङ्गीत तथा प्रस्तुति रहेको छ।
रङ्गकर्मी नरेन भट्टराईको कथा समावेश गीतकाे भिडियाेकाे निर्देशन अर्का रङ्गकर्मी कृष्ण खड्काले गरेका छन् ।
भिडियोमा सामान्य जीवनमा खुशी साथ बाँचिरहेको एक दम्पत्तीमा श्रीमानलाई जटिल रोग लागेपछि उनीहरुको जीवनमा र मानसपटलमा आइपर्ने दु:ख र सङ्घर्षको कथा प्रस्तुत गरिएको छ।
जसमा शारीरिक अस्वस्थतामा परिवारले भोग्नुपर्ने आर्थिक र मानसिक तनाव, अस्पतालकाे शैयामा बाँच्न सङ्घर्ष गरिरहेको बिरामीको मनोविज्ञान देख्न सकिन्छ । भिडियाेमा पछिल्लो समय टिकटकमा अत्याधिक रुचाइएको देवर भाउजू उर्फ सुशीला केसी र सागरमान रावलको अभिनय रहेको छ ।
भिडियोलाई छायाँकार राम केसीले खिचेका हुन भने दिन्सन शाहले सम्पादन गरेका हुन् ।
भिडियाे :
यो खबर पढेर तपाईलाई कस्तो महसुस भयो ?
प्रतिक्रिया