‘नो इन्ट्री’ को सिक्वेल बन्दै, कहिले हुन्छ रिलिज ?

काठमाडौँ- ‘नो इन्ट्री २’ बलिउडको बहुप्रतिक्षित चलचित्र मध्ये एक हो । यसको घोषणा भएदेखि नै फ्यानहरू प्रतिक्षामा छन् । लामो समयदेखि यो फिल्मको कलाकारलाई लिएर चर्चामा छ ।

‘नो इन्ट्री’ मा सलमान खान, अनिल कपूर, फरदीन खान, लारा दत्त, ईशा देओल, बिपाशा बसु र सेलिना जेटलीजस्ता कलाकार थिए ।

तर सिक्वेलमा भने दिलजीत दोसांझ, वरुण धवन र अर्जुन कपूरको अभिनय रहने पक्का भएको छ । यस पुराना कलाकार नराखी, नयाँ कलाकार राख्ने भएपछि फ्यानहरू निराश भएका छन् ।

बोनी कपूरले न्युज १८ लाई दिएको अन्तरवार्तामा नो इन्ट्री २ को छायाँकन यही जुन २०२५ मा शुरु हुनेछ । बोनी कपूरले यो मूल फिल्मभन्दा झन् राम्रो हुने दाबी गरेका छन् ।

बोनी कपुरले भने, ‘दुर्भाग्यवश हामी एउटै स्टार कास्टलाई दोहोर्याउन सक्दैनौँ । मैले लामो समय पर्खें तर सबैका आ–आफ्नै कारण छन् र म ती कारणहरूलाई सम्मान गर्छु । त्यसैले अहिले सबै कलाकार यसमा नयाँ हुनेछन् ।’ उनका अनुसार यो फिल्म २६ अक्टोबर २०२५ दिपावलीमा रिलिज हुनेछ ।