‘भूत बंगला’को नयाँ पोस्टर सार्वजनिक, अक्षय कुमारले सुरु गरे फिल्मको सुटिङ

काठमाडौँ – बलिउड अभिनेता अक्षय कुमारले केही दिनअघि मात्र आफ्नो नयाँ फिल्म ‘भूत बंगला’ घोषणा गरेका थिए । यो चलचित्रलाई चर्चित निर्देशक प्रियदर्शनले निर्माण गर्दैछन् । यो फिल्म अर्को वर्ष २०२६ मा हलमा रिलिज हुनेछ ।

अक्षय कुमारको फिल्म भूत बंगलालाई लिएर फ्यानहरू पनि उत्साहित छन् किनभने उनी १४ वर्षपछि प्रियदर्शनसँग काम गर्दैछन् र उनीहरुको जोडी हिट भएको छ । यसैबीच, अक्षय कुमारले फिल्म भूत बंगलाको बारेमा ठूलो अपडेट दिएका छन्।

अक्षय कुमारले आफ्नो इन्स्टाग्राम ह्यान्डलमा फिल्मको नयाँ पोस्टर सेयर गरेका छन् । यसमा अक्षय कुमार भूत बंगलाको छतमा बसेको देख्न सकिन्छ । उनको हातमा लालटेन छ र चारैतिर अँध्यारो छ। पोस्टरमा अक्षय कुमार सेतो शर्ट, नीलो हाफ कोट, लुंगी लगाएर देखिएका छन् ।

‘भूत बंगला’ को नयाँ पोस्टरको झलक दिँदै अक्षय कुमारले क्याप्सनमा लेखेका छन्, ‘आज हामी हाम्रो हरर कमेडी फिल्म भूत बंगलाको सुटिङ सुरु गर्दैछौँ र म मेरो मनपर्ने प्रियदर्शनसँग सेटमा आउन पाउँदा निकै उत्साहित छु ।

डर र हाँसोको यो दोहोरो खुराक २ अप्रिल २०२६ मा तपाईंको लागि तयार हुनेछ। तबसम्म शुभकामना चाहिन्छ ।’ अक्षय कुमारले आज अर्थात १० डिसेम्बर बाट ‘भूत बंगला’ को सुटिङ सुरु हुने बताए ।

प्रियदर्शनको निर्देशनमा बनेको ‘भूत बंगला’लाई शोभा कपूर, एकता आर कपूर र अक्षय कुमारको प्रोडक्सन हाउस केप अफ गुड फिल्म्सले निर्माण गरेको हो । फिल्मका सह-निर्माता फरा शेख र वेदान्त बाली हुन् । कथा आकाश ए कौशिकले लेखेका हुन् भने पटकथा रोहन शंकर, अभिलाश नायर र प्रियदर्शनले संयुक्त रुपमा तयार गरेका हुन् । संवाद रोहन शंकरले लेखेका हुन् । यो फिल्म अर्को वर्ष हलमा रिलिज हुनेछ ।

वर्कफ्रन्टको कुरा गर्ने हो भने, अहिले अक्षय कुमारसँग ‘जोली एलएलबी ३’, ‘स्काई फोर्स’, ‘हाउसफुल ५’ जस्ता धेरै फिल्म छन् । यस बाहेक अक्षय कुमारसँग धर्मा प्रोडक्सनको अनटाइटल प्रोजेक्ट छ, जसमा अनन्या पाण्डे र आर माधवन पनि देखिनेछन्।