ह्याङ्ग्जाईटी भनेको के हो, के यो रक्सी पिउनुसँग जोडिएको छ ?

काठमाडौँ – अल्कोहलले हाम्रो स्वास्थ्यमा मात्र नराम्रो असर पार्छ तर यसले स्नायविक कार्यलाई पनि असन्तुलित बनाउँछ र मस्तिष्कको लागि हानिकारक हुन सक्छ। आजकल धेरै मानिसहरुलाई यो समस्याले सताउँछ, जसलाई ह्याङ्ग्जाईटी भनिन्छ ।

यो दुई शब्दहरू, ह्याङ्गओभर र एन्जाइटीबाट बनेको रोग हो, जसले रक्सी पिएपछि हुने मानसिक र शारीरिक अवस्थालाई झल्काउँछ। यसमा, व्यक्ति ह्याङ्गओभरको साथसाथै नर्भस र चिन्तित महसुस गर्न थाल्छ। त्यसोभए ह्याङ्ग्जाइटी भनेको के हो र यसका लक्षणहरू के के हुन् र यसबाट कसरी बच्न सकिन्छ जानाैं…

ह्याङ्ग्जाइटी भनेको के हो ?

ह्याङ्ग्जाईटी भनेको ह्याङ्गओभरको लक्षण र राति धेरै मदिरा पिएपछि अनुभव हुने चिन्ता हो। मस्तिष्कमा GABA र ग्लुटामेट जस्ता न्यूरोट्रान्समिटरहरूको असंतुलन हुँदा यस्तो हुन्छ।

यस्तो अवस्थामा निद्रा पूरा हुँदैन, शरीर र दिमागलाई पूर्ण आराम हुँदैन, शरीरमा डिहाइड्रेसन हुन्छ, शरीर थकान महसुस हुन्छ। तपाईं मानसिक रूपमा कमजोर महसुस गर्नुहुन्छ र चिन्ता र अवसाद बढ्छ।

ह्याङ्ग्जाइटीका लक्षणहरू के के हुन् ?

यदि तपाई राति धेरै रक्सी पिएपछि बिहान ह्याङ्गओभर र चिन्ता महसुस गर्दै हुनुहुन्छ भने, यसमा धेरै घबराहट, छिटो मुटुको धड्कन, चिडचिडापन, टाउको दुख्ने, थकान वा नकारात्मक सोच वा पश्चातापको भावना समावेश छ।

ह्याङ्ग्जाइटीबाट कसरी बच्ने ?

मदिरा सेवन गरेपछि तपाईलाई ह्याङ्ग्जाइटी हुन्छ भने कसरी बच्ने ? यसका लागि मदिराको मात्रा नियन्त्रण गर्नुहोस्, आवश्यकताभन्दा बढी पिउनु हुँदैन ।

मदिरा सेवन गर्दा हाइड्रेसनको ख्याल गर्नुहोस्, रक्सी पिउनु अघि र पछि पानी पिउनुहोस्। पेय पदार्थ संग स्वस्थ स्न्याक्स लिनुहोस् र रक्सी पिए पछि उचित खाना खानुहोस्।

राम्रोसँग निद्रा लिनुहोस् र शरीरलाई आराम दिनुहोस्, यस बाहेक योग र ध्यान गरेर पनि ह्याङ्गजाइटीलाई धेरै हदसम्म कम गर्न सकिन्छ।