मनोरन्जन समाचार, सेलिब्रेटीहरू, सेलिब्रेट समाचारहरू, र प्रसिद्ध गफहरूका लागि तपाईंको स्रोत। ताजा फेसन, फोटोहरू, चलचित्रहरू र टिभी कार्यक्रमहरू जाँच गर्नुहोस्!

   ©2024 Joy Nepal All rights reserved. | Designed & Developed by : Appharu.com

एक खतरनाक जीव, जसले ६० फिट लामो ह्वेल शार्कको शिकार गर्छ !

काठमाडौँ – वैज्ञानिकहरुले समुद्रमा एउटा अचम्मको घटना भएको बताएका छन् । मेक्सिकोमा किलर ह्वेलले ह्वेल शार्कको शिकार गरेको पाइएको छ। किलर ह्वेललाई ओर्का पनि भनिन्छ र यी ह्वेलहरूले शार्कलाई पनि मार्न सक्छन् भन्ने एउटा रिपोर्ट हालै सार्बजनिक भएको छ । ह्वेल शार्क संसारमा सबैभन्दा ठूलो शार्क प्रजाति हो र जो ६० फिटसम्म लामो हुन्छ ।

यो घटना प्रशान्त महासागरमा मेक्सिकोको तटमा घटेको हो । रिपोर्टका अनुसार ओर्कासको एउटा समूहले चलाखीपूर्वक यहाँ ह्वेल शार्कको शिकार गरी मारेको छ । यसअघि पनि मानिसहरुले यस्ता घटनाहरु देखेको दाबी गरेका थिए तर पहिलो पटक सामुद्रिक वैज्ञानिकहरुले यो घटनालाई आधिकारिक रुपमा विश्वसामु प्रस्तुत गरेका छन् ।

फ्रन्टियर्स इन मरिन साइन्स जर्नलमा प्रकाशित एक अध्ययन अनुसार ओर्कासका बथानहरू क्यालिफोर्नियाको खाडीमा खाना खाने ठाउँहरूमा भेला हुन्छन्, यहाँ खानाको रूपमा ह्वेल शार्क पाउँछन, जुन पूर्ण रूपमा उमेर पुगिसकेको भने छैन्।

तिनीहरू आकारमा ३ देखि ७ मिटरसम्म रहेका छन, ले किलर ह्वेलहरूले सजिलै तिनीहरूलाई शिकार गर्न सक्छन्। एउटा कारक भनेको ह्वेल शार्कका साना दाँत हुन्छन् र तिनीहरूले आफूलाई बचाउन सक्दैनन्। तिनीहरूसँग गहिरोमा डुब्न बाहेक उम्कने अर्को उपाय छैन। तर, उम्कन नपाउँदै उनीहरू शिकारीको फन्दामा पर्छन् ।

युकेको कुम्ब्रिया विश्वविद्यालयका वन्यजन्तु संरक्षणका प्राध्यापक भोल्कर डिकेका अनुसार यी समुद्री जीवहरूले आफ्नो शिकार सजिलै समात्न सक्ने विशेष रणनीतिहरू विकास गर्न सक्षम रहेका छन् भनी बारम्बार देखिएको छ । वैज्ञानिकहरूले २०१८ देखि २०२४ सम्म मिडिया फुटेजको गहन विश्लेषण गरेर यो पत्ता लगाए कि उनीहरुले यस्तो खतरनाक माछा कसरी शिकार गर्न सक्छन भन्ने ।

वैज्ञानिकहरूले पत्ता लगाए कि ओर्कास वा किलर ह्वेलहरू ह्वेल शार्क मार्न सामूहिक शिकारको उपाय प्रयोग गर्छन्। किलर ह्वेलले पहिले ह्वेल शार्कको तल्लो पेटमा आक्रमण गर्छ। यो चोट निकै तिखो हुन्छ र ह्वेल शार्कको रगत बग्न थाल्छ। यहाँ ओर्का व्हेलले शार्कलाई यसरी घुमाउँछ कि यसले तलको गहिराइमा डुब्न पनि दिदैन । किलर ह्वेलले त्यसपछि आफ्नो शरीरका अंगहरू च्यात्छ र भित्री अंगहरू खान सुरू गर्दछ ।

यो खबर पढेर तपाईलाई कस्तो महसुस भयो ?