काठमाडौँ– भारतीय कलाकार सुनिल ग्रोबर काठमाडौँ आएका छन् । उनी एक कार्यक्रमका सिलसिलामा नेपाल आएका हुन् ।
शुक्रवार काठमाडौँको नयाँ बानेश्वरस्थित एभरेस्ट होटलमा हुन लागेको ‘सुनिल ग्रोबर लाइभ इन नेपाल’ का लागि उनी काठमाडौँ आएको आयोजक टिम लिक्विड इन्टिलिजेन्सले जनाएको छ ।
उक्त कार्यक्रममा सुनिल ग्रोबरका साथै नेपाली लोकप्रिय ब्याण्ड कुटुम्बले पनि प्रस्तुति दिँदैछ ।
द कपिल शर्मा शो बाट चर्चामा आएका सुनिल नेपालमा पनि लोकप्रिय छन् । उनले गजनी, गब्बर इज ब्याक, कफी विथ डी, पटाखा, जवान, बाघी लगायतका फिल्ममा समेत अभिनय गरेका छन् ।
यो खबर पढेर तपाईलाई कस्तो महसुस भयो ?
प्रतिक्रिया