यो बानीले तपाईलाई मधुमेह रोगी बनाउन सक्छ, तुरुन्त सुधार गर्नुहोस्

काठमाडौँ – मधुमेहले अहिले युवायुवतीलाई असर गरिरहेको छ । ३० वर्ष मुनिका मानिसहरु यसको बढी सिकार भएका छन् । किनभने यस उमेर समूहका मानिसहरूको दिनचर्या सबैभन्दा बिग्रिएको छ।

के तपाई पनि राति कम सुत्दै हुनुहुन्छ, के तपाईलाई राम्रोसँग निन्द्रा लाग्दैन वा स्मार्टफोन-ल्यापटपको प्रयोगले पूरा निन्द्रा लाग्दैन ? यदि हो भने होसियार हुनुहोस्, किनकि कम निद्राले तपाईको ब्लड सुगर बढाउन सक्छ र तपाई मधुमेहको रोगी बन्न सक्नुहुन्छ।

खराब जीवनशैली वा खानपानले मात्र होइन निद्राले पनि मधुमेहको समस्या बढाउन सक्छ । कम सुत्ने मानिसहरु मधुमेहको सिकार हुने गरेको एक अनुसन्धानले देखाएको छ । कम सुत्नु कत्तिको खतरनाक छ, जानौँ…

कम सुत्दा मधुमेहको खतरा हुन्छ

मधुमेहले अहिले युवायुवतीलाई असर गरिरहेको छ । ३० वर्ष मुनिका मानिसहरु यसको बढी सिकार भएका छन् । किनभने यस उमेर समूहका मानिसहरूको दिनचर्या सबैभन्दा बिग्रिएको छ।

पछिल्ला केही वर्षयता टाइप–२ मधुमेहका बिरामीको संख्या बढेको छ । यसको एउटा कारण खराब निद्रा बान्की हो। मेडिकल जर्नल द नेचरमा प्रकाशित एक अनुसन्धानले यदि कोही ६ घण्टाभन्दा कम सुत्ने गर्छ भने उसलाई मधुमेहको खतरा बढी हुने उल्लेख छ ।

निद्रा र मधुमेह बीचको सम्बन्ध

निद्रा र मधुमेहबीच सम्बन्ध रहेको स्वास्थ्य विज्ञहरू बताउँछन् । निद्रामा गडबड हुने कुनै पनि व्यक्तिमा मधुमेहको जोखिम बढ्छ। यो किनभने पर्याप्त निद्रा नपाउँदा शरीरमा इन्सुलिन प्रतिरोधात्मक क्षमता हुन्छ, जसले रगतमा चिनीको मात्रा बढाउँछ।

यति मात्र होइन, निद्राको कमीले शरीरमा कोर्टिसोल हर्मोन पनि बढ्छ, जसको प्रत्यक्ष असर रगतमा चिनीको मात्रामा पर्छ । यो समस्या लामो समयसम्म रह्यो भने यसले मधुमेह निम्त्याउँछ ।

निद्राको कमी कसरी हटाउने ?

राति सुत्दा फोन, ल्यापटप वा अन्य कुनै पनि ग्याजेट प्रयोग नगर्नुहोस्।
सुत्नुभन्दा कम्तिमा २ घण्टा अगाडि खाना खानुहोस् ।
राति चिया वा कफी नखानुहोस्।
सुत्ने र उठ्ने समय मिलाउनुहोस्।
कम्तिमा 7-8 घण्टा सुत्न निश्चित गर्नुहोस्।