काठमाडौँ– यतिबेला बलिउडमा अभिनेत्री तथा मोडल मलाइका अरोडाप्रति आम मानिसको चासो छ ।
अभिनेता अर्जुन कपुरसँग लामो समयको प्रेम सम्बन्धमा ब्रेकअप भएपछि उनका फ्याहरुले उनको गतिविधिहरुमा चासो राख्ने गरेका छन् ।
अहिले भारतीय केही मिडिया र सामाजिक सञ्जालमा एक पुरुषसँगको उनको तस्वीर र भिडियो भाइरल भइरहेको छ । यसबाट मलाइकाले नयाँ सम्बन्ध शुरु गरेकी हुन् कि भनेर आम मानिसहरुले अड्कल बाजी लगाइरहेका छन् ।
तस्वीर र भिडियोमा देखिए अनुसार उनी उक्त पुरुषसँग निकै खुसी देखिन्छिन् भने पुरुषले उनको हात समातेका छन् । यद्यपि उक्त पुरुषको पहिचान भने खुलेको छैन ।
मलाइकाका फ्यानहरुलाई भने उनको नयाँ जीवनबारे बुझ्न निकै हतारो देखिन्छ ।
यो खबर पढेर तपाईलाई कस्तो महसुस भयो ?
प्रतिक्रिया