काठमाडौँ– गोरखाकी सुशीला थापालाई सानै उमेरदेखि कलाकारितामा रुचि थियो । काठमाडौँलाई कर्मथलो बनाएकी सुशीला वि.सं. २०७३ सालदेखि यस क्षेत्रमा सक्रिय छिन् ।
म्युजिक भिडियोमा जमेकी सुशीला अभिनय, नृत्य र गायनमा उत्तिकै रुचि भएको बताउँछिन् । करीब दुई सय वटा म्युजिक भिडियोमा अभिनय गरेको उनी बताउँछिन् । सुशीलाको अभिनय रहेका बेचेर सपना, नाच्ने हो छेउछेउमा, कति माया गर्छु लगायतका म्युजिक भिडियोले लोकप्रियता कमाएका छन् ।
केही फिल्ममा समेत अभिनय गरेकी सुशीलाले युट्युबबाट प्रसारण हुने श्रृङ्खला ‘सीता’ मा समेत अभिनय गरिसकेकी छिन् । अभिनय भनेपछि हुरुक्कै हुने सुशीलाले यो क्षेत्रमा अझ धेरै गर्न बाँकी रहेको बताउँछिन् ।
