के छ अनुष्का-विराटका छोरा अकेको फोटोको सत्यता ?

काठमाडौँ – अनुष्का शर्मा र विराट कोहलीले आफ्ना बच्चाहरूलाई सोशल मिडिया र लाइमलाइटबाट टाढा राख्छन्। तर हालै इन्टरनेटमा एउटा बच्चाको तस्बिर सार्वजनिक भएको थियो जसलाई अनुष्का–विराटको छोरा अके भनिएको थियो । तर अब विराट कोहलीकी बहिनी भावना कोहली धिङ्ग्राले यो तस्बिरको सत्यता बताइन् ।

विराट कोहलीको अष्ट्रेलिया र भारतबीचको पहिलो टेस्ट म्याचको तेस्रो दिन अनुष्का शर्मा स्टेडियम पुगेकी थिइन् । यसै क्रममा एउटा तस्बिर बाहिर आएको छ, जसमा अनुष्का शर्माको छेउमा बसेका पुरुषको काखमा एउटा बच्चा देखिन्छ । सामाजिक सञ्जाल प्रयोगकर्ताहरूले यो बच्चा विराट र अनुष्काको छोरा अके भएको दाबी गरेका छन् । तर अहिले क्रिकेटरकी बहिनीले इन्स्टाग्राममा पोष्ट गर्दै यी दाबीलाई अस्वीकार गरेकी छन् ।

भावना कोहनी धिङ्ग्राले इन्स्टाग्राममा स्टोरी पोस्ट गरेकी छिन् । जसमा उनले लेखेकी छन्, ‘सोसल मिडियामा विराट र अनुष्काको साथीको छोरीलाई इडियटको रुपमा हेरिएको छ । तस्बिरमा देखिने बच्चा हाम्रो होइन। धन्यवाद।’ अष्ट्रेलिया विरुद्धको पर्थ टेस्टको तेस्रो दिन विराट कोहलीले शतक प्रहार गरेका छन् । यो क्रिकेटरको ३०औँ टेस्ट शतक थियो।

अनुष्का शर्मा र कोहलीले यसै वर्ष फेब्रुअरीमा आफ्नो दोस्रो सन्तान अकेलाई जन्म दिएका थिए । अभिनेत्रीले लण्डनमा छोरालाई जन्म दिएकी हुन् । यसअघि सन् २०२१ मा यी जोडी वामिका नामकी छोरीका अभिभावक बनेका थिए । अनुष्का र विराटले सुरुदेखि नै आफ्ना छोराछोरीका लागि नो फोटो नीति अपनाइरहेका छन् ।