कहिलेबाट, के बार, कति बजे र कहाँ हेर्ने सीआईडी २ ?

काठमाडौ- स्पाइ थ्रिलर शो सीआईडीलाई दर्शकहरुले निकै रुचाएका छन् । यो टेलिभिजन शोले करिब २ दशकसम्म दर्शकलाई भरपूर मनोरञ्जन प्रदान गरेको छ । ६ वर्षअघि एकाएक बन्द भएको सीआईडी फेरि टेलिभिजनको पर्दामा देखिँदैछ ।

केही समयअघि मात्रै सीआईडी २ को नयाँ प्रोमो भिडियो सार्वजनिक भइसकेको छ । सीआईडीको नयाँ सिजन आउने भएसँगै फ्यान निकै उत्साहित छन् । सीआईडी २ को रिलिज मिति पनि सार्वजनिक भइसकेको छ ।

सीआईडीको नयाँ सिजन सोनी टेलिभिजन च्यानल हेर्न सकिनेछ । भारतीय सञ्चार माध्यमका अनुसार आगामी २१ डिसेम्बरदेखि सीआईडी को नयाँ सिजन सुरु हुने छ । सोनी टेलिभिजनले प्रत्येक शनिबार र आइतबार राति १० बजे सीआईडीको नयाँ सिजन प्रसारण गर्ने छ ।