काठमाडौँ – अभिनेत्री निता ढुङ्गानाले निर्माण गरेको फिल्म ‘ह्रस्व दीर्घ’को फस्ट लुक सार्वजनिक गरिएको छ । फस्ट लुकमा ब्रहमान्दमलाई सिरमा ढाका टोपी, निधारमा चन्दन लगाएको तथा अचम्मित र हाँसेको देख्न सकिन्छ ।
यही फिल्ममार्फत नेपाली फिल्ममा डेब्यु गरेका उनको जन्मदिनको अवसर पारेर उनको सोलो फस्ट लुक सार्वजनिक गरिएको हो ।
हरिहर अधिकारीको कथा रहेको फिल्ममा चन्द्र पन्तको निर्देशन छ भने बलिउड फिल्म ‘पुष्पा’का ‘सिनुभाई’ अर्थात सुनिल वर्मा, ‘गजिनी’ का भिलेन प्रदीपराज रावत र दक्षिण भारतीय कमेडियन अलीको अभिनय छ ।
नेपाल र भारतमा छायाङ्कन गरिएको यो फिल्ममा नेपाली कलाकार सरोज खनाल र सलोन बस्नेतको पनि अभिनय छ ।
यो फिल्म आगामी वर्ष २०८१ को असोज ११ गते रिलिज हुँदै छ ।
यो खबर पढेर तपाईलाई कस्तो महसुस भयो ?
प्रतिक्रिया