सेनाले खोल्यो यी पदमा भर्ना, कहिलेसम्म छ म्याद ?

काठमाडौँ- नेपाली सेनाले विभिन्न पदमा दरखास्त आह्वान गरेको छ । एक सूचना जारी गर्दै नेपाली सेनाले रिक्त पदमा दरखास्त आह्वान गरेको हो ।

सेनाको भर्ना छनौट निर्देशनालयका अनुसार प्राड उपसेनानी, डाक्टर, पाइलट, समाचार सम्पादकदेखि लेखा उपसेनानीसम्मका २१ सिटका लागि भर्ना खोलिएको हो ।

यी पदमा कात्तिक ३० गतेदेखि मंसिर २९ गतेसम्म दरखास्त दिन सकिने छ । दोब्बर दस्तुर बुझाएर पुस ६ गतेसम्म पनि दरखास्त दिन सकिने छ ।

दरखास्त बुझाउँदा सबै पदका लागि एक हजार रुपैयाँको बैंक भौचर बुझाउनुपर्ने छ । योग्यता पुगेका आवेदकले नेपाली सेना केन्द्रीय भर्ना छनौट केन्द्र स्वयम्भूमा दस्तुरसहित दरखास्त दिन सक्नेछन् ।