के गर्दैछिन् अभिनेत्री नम्रता ?

काठमाडौँ– अभिनेत्री नम्रता श्रेष्ठ कुनै बेलाकी लोकप्रिय नायिका मध्येमै पर्थिन् । ‘सानो संसार’बाट सिने यात्रा शुरु गरेकी उनले अभिनयसँगै सुन्दर नायिकाको छवि समेत बनाइन् । व्यक्तिगत सम्बन्ध र प्रेमका कारण विवादमा आइरहने उनी यसकै कारण गुमनाम हुने गर्छिन् । पछिल्लो समय अभिनेता सारुक ताम्राकारको आत्महत्यामा उनको नाम मुछिएपछि उनी गुमनाम जस्तै छिन् । अभिनेता सारुक र उनको अभिनयमा छायाङ्कन हुँदै गरेको फिल्म ‘ह्यासट्याग माया’कै दौरानमा सारुकले आत्महत्या गरेका थिए । त्यस घटनापछि भने उनी सार्वजनिक रुपमा त्यति देखिएकी छैनन् ।