काठमाडौँ- क्रुज अभिनित ‘मिसन इम्पोसिबल’ फिल्म सिरिजको आठौँ भागको टिजर सार्वजनिक भएको छ । वितरण कम्पनी प्यारामाउन्ट पिक्चर्सले आफ्नो आधिकारिक युट्युब च्यानलबाट टिजर सार्वजनिक गरेको हो ।
फिल्म सिरिजको पहिलो भाग १९९६ मा प्रदर्शनमा आएको थियो । पहिलो फिल्मदेखि नै यो सिरिजमा टम क्रुजले इथन हन्टको प्रमुख भूमिका निभाउँदै आएका छन् ।
सोमबार टिजर सार्वजनिक भएको यो फिल्मको नाम ‘मिसन इम्पोसिबल द फाइनल रेकोनिङ’ छ । फिल्मलाई क्रिस्टोफर मक्कुअर्रियले निर्देशन गरेका छन् ।
यो फिल्म अर्को वर्षको मे २३ मा प्रदर्शनमा आउने जानकारी दिइएको छ । नेपालमा टम क्रुजका चलचित्रले राम्रो कमाइ गर्दै आएका छन् ।
यो खबर पढेर तपाईलाई कस्तो महसुस भयो ?
प्रतिक्रिया