जाइफल हालिएको दूध, यस्ता रोगका लागि हुन्छ सञ्जीवनी बुटी

दूध निकै पोसिलो पेयपदार्थ हो । यसको सेवन स्वास्थ्यका लागी निकै लाभदायक छ । अझ योसँगै दुमा केही अन्य चिजहरू मिसाएर सेवन गर्दा थप स्वास्थ्यलाभहरु मिल्छ ।

नेपाली भान्सामा धेरै खालका मसला र जडीबुटीहरू प्रयोग हुन्छ । यी मसला र जडीबुटीले खानालाई स्वादिष्ट त बनाउँछ नै यी हाम्रो स्वास्थ्यको लागि पनि धेरै फाइदाजनक हुन्छन् । तीनै मध्ये एक हो जाइफल । 

गुणकै कारण आयुर्वेदमा जाइफलको ठुलो स्थान छ । जाइफलका फाइदाहरू अचम्मका छन् । जाइफललाई दूधसँग खाँदा विभिन्न स्वास्थ्य लाभ मिल्छ ।

यसमा पाइने पौष्टिक तत्त्वले धेरै रोगबाट छुटकारा दिनुका साथै शरीरलाई स्वस्थ राख्न सहयोग गर्छ । जाइफलको विभिन्न स्वास्थ्य लाभहरू छन् । अझ दूधमा मिसाएर सेवन गर्दा यसको लाभ झनै धेरै हुन्छ । अब कुरा गरौँ जाइफल हालिएका दूध पिउँदाका फाइदाहरुः

अनिद्रामा उपयोगी

जाइफलमा स्नायु प्रणालीलाई शान्त पार्ने प्राकृतिक गुण छ । राति सुत्नुअघि एक गिलास तातो दूधमा एक चिम्टी जाइफल मिसाएर पिउने हो भने यसले शरीरलाई आराम दिन्छ र राम्रो निद्रा निदाउन मद्दत गर्छ । यो घरेलु उपाय निद्राको कमीबाट पीडित व्यक्तिहरूको लागि धेरै लाभदायक साबित हुन सक्छ ।

पाचन सुधार

जाइफलमा पाचन सुधार गर्ने गुण पनि पाइन्छ । यसको सेवनले अपच, ग्यास र पेट दुख्ने लगायत पेटसम्बन्धी समस्याबाट मुक्ति मिल्छ । दूधमा जाइफल मिसाएर पिउनाले पाचन प्रणाली राम्रो हुन्छ र कब्जियतको समस्याबाट पनि राहत मिल्छ । 

चिसो लागेको र खोकीको समस्याबाट राहत

चिसो लागेको र खोकी लागेकाहरूलाई पनि जाइफल हालेको दूध लाभदायक हुन्छ । जाइफलमा एन्टी ब्याक्टेरियल र एन्टी इन्फ्लेमेटरी गुण हुन्छ, जसले श्वासप्रश्वास प्रणालीलाई सफा राख्न मद्दत गर्छ । यसले कफ कम गर्न र घाँटीको दुखाइबाट पनि राहत दिन्छ । 

तनाव र चिन्ता घटाउँछ

जाइफलमा माइरिस्टिसिन नामक तत्व हुन्छ, जसले मानसिक स्वास्थ्य सुधार्न मद्दत गर्छ । यसलाई दूधसँग मिसाएर सेवन गर्नाले तनाव र चिन्ता कम हुन्छ । यसले स्नायु प्रणालीलाई शान्त पार्छ र मुड पनि सुधार्छ ।

रोग प्रतिरोधात्मक क्षमता बढाउँछ

जाइफल मिसाएको दूध पिउनाले शरीरको रोग प्रतिरोधात्मक क्षमता बढ्छ । यसमा पाइने एन्टिअक्सिडेन्टले शरीरलाई हानिकारक फ्री रेडिकलबाट बचाउँछ र सङ्क्रमणसँग लड्ने क्षमतालाई मजबुत बनाउँछ ।

टाउको दुखाइ र माइग्रेनमा लाभदायक

तपाईँलाई टाउको दुख्ने वा माइग्रेनको समस्या छ भने जाइफल हालेको दूधले राहत दिन्छ । जाइफलमा पाइने सक्रिय तत्त्वहरूले दुखाइ कम गर्न र मांसपेशीहरूलाई आराम दिन मद्दत गर्दछ ।

छालाको लागि पनि लाभदायक

जाइफलको सेवनले आन्तरिक स्वास्थ्यमा त सुधार गर्छ नै छालालाई पनि फाइदा गर्छ । यसमा एन्टी–ब्याक्टेरियल गुण हुन्छ, जसले छालासँग सम्बन्धित समस्याहरू हटाउन मद्दत गर्दछ । दूधमा जाइफल मिसाएर नियमित सेवन गर्नाले छालालाई चम्किलो र स्वस्थ बनाउँछ ।