काठमाडौँ– यतिबेला शिल्पीको नाट्य टोली ‘शिल्पी नाट्य यात्रा –२०८१’ मा नाटक ‘अनिदा रात’ लिएर देश दौडाहामा छ ।
यो टोलीले कार्त्तिक ३ गते जाजरकोट, गर्खाकोटस्थित जुनीचाँदे गाउँपालिकामा पुगेर आफ्नो नाट्य प्रस्तुति गरिसकको छ । असोज २९ गतेदेखि देशका विभिन्न स्थानहरुमा पुगेर यो टोलीले नाटकघरभन्दा बाहिर निस्केर मुक्त रङ्गमञ्चको अवधारणामा रहेर कचहरी नाटक विधामा ‘अनिदा रात’ प्रस्तुत गरिरहेका छन् ।
नाटकले विनाशकारी भूकम्पबाट प्रभावित मानिसहरूको पीडाका साथै आदिवासी शैली, वास्तुकलाको ज्ञानको संरक्षण तथा पुनर्निर्माण अभ्यासहरू बारे जनचेतना जगाउने जमर्को गरेको छ ।
यसअघि नाट्य टोलीले पश्चिम रूकुमस्थित त्रिवेणी गाउँपालिकामा नाटक प्रस्तुत गरिसकेका छन् । रङ्गकर्मी पवित्रा खड्काको निर्देशन रहेको नाटकमा कलाकारहरु सुशीला लुहार, भुमिका परियार, सुमित भण्डारी, प्रेमचन्द पाण्डेय, धनराज सुनार, रविन परियार, अनुप तिमल्सिना, ज्योति पोखरेल र पूजा विश्वकर्माको अभिनय रहेको छ ।
‘शिल्पी नाट्य यात्रा कार्त्तिक १३ गतेसम्म जारी रहनेछ ।
फोटोफिचर :
यो खबर पढेर तपाईलाई कस्तो महसुस भयो ?
प्रतिक्रिया