काठमाडौँ – युरोपियन स्पेस एजेन्सी (ईएसए) ले चन्द्रमाको अन्वेषणलाई अघि बढाउन आधारभूत संरचना निर्माण गर्दैछ।
यसको उद्देश्य आगामी दुई दशकमा अन्तरिक्ष एजेन्सीहरू र निजी कम्पनीहरूले योजना बनाएका ४०० भन्दा बढी चन्द्र अभियानहरूको लागि सेवा प्रदान गर्नु हो।
स्पेस डटकमका अनुसार मूनलाईट पाँच चन्द्र उपग्रहहरूको एक कन्स्टेलेशन हुनेछ । जसले मिलेर पृथ्वी र चन्द्रमाबीचको करिब ४ लाख किलोमिटर दूरीमा उच्च गतिको सञ्चार र डाटा ट्रान्सफरलाई सहज बनाउनुका साथै चन्द्र सतहमा स्वचालित रूपमा अवतरण र सतह गतिशीलतालाई सक्षम बनाउनेछ।
यस परियोजनाको पहिलो चरण २०२६ मा लुनर पाथफाइन्डरको प्रक्षेपण हुनेछ, जुन सरे सेटेलाइट टेक्नोलोजी लिमिटेडद्वारा निर्माण गरिएको सञ्चार रिले उपग्रह हो।
मूनलाइटका प्रारम्भिक सेवाहरू २०२८ को अन्त्यसम्म सुरु हुने योजना छ र यो प्रणालीले २०३० सम्ममा पूर्ण रूपमा सञ्चालन गर्न शुरु गर्नेछ।
मूनलाइटले चन्द्रमाको दक्षिणी ध्रुवको बढि अनुसन्धान गर्ने छ । किनकि त्यहाँ अद्वितीय प्रकाश अवस्थाहरू छन् र स्थायी रूपमा छायामा रहेका क्रेटरहरूमा पानीको बरफ हुने सम्भावना छ, जसले आगामी मिशनहरूका लागि अत्यधिक महत्त्वपूर्ण स्रोत उपलब्ध गराउन सक्छ।
यो खबर पढेर तपाईलाई कस्तो महसुस भयो ?
प्रतिक्रिया