काठमाडौँ– बजारमा प्रायः हरेक सिजन च्याउ बेच्न राखेको हुन्छ । च्याउ त्यस्तो खानेकुरा हो जसलाई जुनसुकै तरकारीमा मिसाउँदा पनि मिठो हुन्छ । च्याउका अनेकौँ परिकार पनि बनाउन सकिन्छ । च्याउलाई जुनसुकै मौसममा पनि खान सकिन्छ ।
च्याउले स्वास्थ्यलाई पनि फाइदा पुर्याउँछ । रुघाखोकी लागेको बेला च्याउको सेवन थप फाइदाजनक हुन्छ । यसले रोग प्रतिरोधात्मक क्षमतको विकास गर्छ । यसका साथै विभिन्न रोगहरुबाट पनि च्याउले बचाउँछ । यसले शरीरमा रगतको मात्रा पनि बढाउँछ ।
यसमा हुने आइरनले शरीरमा अक्सिजनको कमी हुन दिँदैन । च्याउमा पाइने भिटामिन १२ ले रगतको मात्रा बढाउँछ । यसका साथै च्याउमा हुने फोलिक एसिडले पनि रगतको मात्रा बढाउन मद्दत गर्छ ।
च्याउमा हुने प्रोटिन र कपुरले शरीरको विकासमा धेरै सहयोग गर्छ । यसले तपाईलाई एनिमिया रोगबाट पनि बचाउँछ ।
कोलेस्ट्रोलको समस्या भएका बिरामीलाई च्याउले धेरै फाइदा पुर्याउने चिकित्सकहरु बताउँछन् । यसमा कोलस्ट्रोलको मात्रा कम गर्ने आवश्यक तत्व पाइन्छ ।
च्याउले तौल घटाउन पनि सहयोग गर्छ । यसमा घुलनशील फाइबर हुन्छ । यदि तपाई तौल घटाउन चाहानुहुन्छ भने च्याउको सेवन गर्न सक्नुहुन्छ । च्याउमा भिटामिन ए पनि पाइने भएकोले आँखालाई तेजिलो बनाउँछ ।
तर, सबै च्याउहरू खानलायक हुँदैनन् । धेरैजसो च्याउ विषादीयुक्त हुने भएकाले बजारमा पाइने च्याउ मात्र किनेर खानु उपयुक्त हुन्छ ।
यो खबर पढेर तपाईलाई कस्तो महसुस भयो ?
प्रतिक्रिया