काठमाडौँ– पछिल्लो समय फिल्म ‘छक्का पञ्जा ५’ लाई बहिस्कार गर्ने भनेर सामाजिक सञ्जालमा टीका टिप्पणी चलेता पनि राम्रो ग्रस कलेक्सन गरेको छ । बिहीबारदेखि प्रदर्शनीमा आएको फिल्मले पहिलो दिनमै राम्रो कमाई गरेको छ ।
कलाकार तथा निर्माता दीपकराज गिरीको जानकारीको अनुसार फिल्मले प्रदर्शनीको पहिलो दिनमै दुई करोडभन्दा बढी कमाई गरेको छ । छक्का पञ्जा सिरिजमै यो हालसम्म राम्रो ओपनिङ रहेको उनको भनाइ छ ।
उनका अनुसार फिल्मले पहिलो दिनमै दुई करोड रुपैयाँ ग्रस कलेक्सन गरेको छ । यस अघि फिल्म ‘छक्का पञ्जा ३’ ले पहिलो दिन एक करोड ७० लाख ग्रसकलेक्सन गरेको थियो ।
सामाजिक सञ्जालमा फिल्म नचल्ने धारणा आए पनि राम्रो व्यापार गर्न सफल भएको आफूसहित फिल्मको टीम नै खुसी भएको उनको भनाइ छ ।
‘छक्का पञ्जा–५’लाई दीपाश्री निरौलाले निर्देशन गरेकी छन् । चलचित्रमा दीपकसँगै केदार घिमिरे र वर्षा शिवाकोटी मुख्य भूमिकामा छन् ।
यो खबर पढेर तपाईलाई कस्तो महसुस भयो ?
प्रतिक्रिया