धेरै कफी र फलफूलको जुस पिउनु स्वास्थ्यका लागि खतरनाक

काठमाडौँ – विशेषगरी बजारमा पाइने प्याक गरिएको फलफूलको जुस स्वास्थ्यका लागि सबैभन्दा खतरनाक हुने वैज्ञानिकहरुले बताएका छन् । यसमा थपिएको चिनी हुन्छ जसले रगतमा चिनी छिटो बढाउँछ।

प्राय: धेरै मानिसहरू छन् जसले बिहान सबभन्दा पहिले कफी वा फलफूलको जुस पिउने गर्छन्। यदि तपाई पनि फलफूलको जुस वा कफी पिउने शौकीन हुनुहुन्छ भने यो खबर तपाईलाई सावधानीका लागि हो । एक नयाँ अध्ययनले पत्ता लगाएको छ कि धेरै फलफूलको रस वा कफी पिउनु तपाईंको लागि घातक हुन सक्छ।

एक रिपोर्टका अनुसार हालसालै गरिएको एक अध्ययनले सामान्य मानिसको तुलनामा फलफूलको जुस वा कफी बढी पिउने व्यक्तिमा स्ट्रोकको जोखिम बढी हुने देखाएको छ । तपाईलाई भनौं, स्ट्रोक एक मेडिकल इमर्जेन्सी हो, जसमा मानिसको ज्यान समेत जान सक्छ।

अनुसन्धानका क्रममा वैज्ञानिकहरूले विभिन्न पेय पदार्थले स्वास्थ्यमा पार्ने असरबारे बुझेका थिए । रिपोर्ट आएपछि फलफूलको जुस वा कफी बढी पिउने व्यक्तिमा स्ट्रोकको जोखिम बढेको पाइएको थियो । यस अनुसन्धानका लागि हजारौं व्यक्तिको डाटा विश्लेषण गरिएको थियो।

विशेषगरी बजारमा पाइने प्याक गरिएको फलफूलको जुस स्वास्थ्यका लागि सबैभन्दा खतरनाक हुने वैज्ञानिकहरुले बताएका छन् । यसमा थपिएको चिनी हुन्छ जसले रगतमा चिनी छिटो बढाउँछ। यसले शरीरमा इन्सुलिनको स्तर बढाउँछ र मुटुमा नराम्रो असर गर्छ। तर, यो प्याक गरिएको फलफूलको जुस मात्र होइन स्वास्थ्यका लागि खतरनाक हुन्छ । वास्तवमा, ताजा फलफूलको रस पनि स्वास्थ्यको लागि राम्रो छैन।

धेरै ताजा फलफूलको जुस पिउने मानिसमा पनि स्ट्रोकको जोखिम बढेको अनुसन्धानले देखाएको छ । कफीको कुरा गर्दा दिनमा चार कपभन्दा बढी कफी पिउनु स्वास्थ्यका लागि हानिकारक हुनसक्छ । ४ कपभन्दा बढी कफी पिउनाले स्ट्रोकको खतरा बढ्छ।

फलफूलको जुसको सट्टा फलफूल खानुहोस्

विज्ञहरूका अनुसार मानिसले फलफूलको जुस पिउनुको सट्टा फलफूल खानुपर्छ । फलफूल स्वास्थ्यका लागि राम्रो हुन्छ र यसले शरीरलाई भिटामिन र फाइबर पनि प्रदान गर्छ।

जब तपाईं फलफूलको रस मात्र पिउनुहुन्छ, त्यसमा फलफूलको रस र चिनी हुन्छ। फाइबर हटाइन्छ। यसबाहेक एक गिलास जुस बनाउन धेरै फलफूलको प्रयोग गरिन्छ । तर, फलफूल खाँदा त्यसको संख्या एक वा दुई हुन्छ ।