शुरु भयो अक्षय कुमारको ‘हाउसफुल ५’ को छायाङ्कन 

काठमाडाैँ – बलिउड अभिनेता अक्षय कुमार अभिनीत फिल्म ‘हाउसफुल ५’ को छायाङ्कन शुरू भएको छ।

४५ दिन छायाङ्कन हुने याे फिल्म विहीबारबाट फ्लाेरमा गएको फिल्मका निर्माता साजिद नाडियाडवालाले जानकारी दिएका हुन्।

‘आजदेखि हाउसफुल ५ को छायाङ्कन सुरू भएको छ। ४५ दिनसम्म कमेडीको पागलपन्ती जारी रहनेछ। यसको लन्डन, फ्रान्स, स्पेन र युकेमा छायाङ्कन हुनेछ। निर्देशक तरूण मनसुखानीको निर्देशनमा तपाईहरूलाई मनोरञ्जनको पुरै ग्यारेन्टी छ।’ उनले एक्समा एक तस्बिर पोस्ट गर्दै लेखेका छन् ।

फिल्ममा अक्षय कुमारसँगै अभिषेक बच्चन, ज्याकलीन फर्नांडिस, रितेश देशमुख, श्रेयस तलपडे, फरदीन खान, चंकी पान्डे, सौन्दर्या शर्मा, जोनी लिवर, निकेतन धीर, डीनो मोरिया, नरगिस फाखरी, चित्रांग्धा सिंह, सोनम बाजवा, रन्जीतलगायत कलाकारको अभिनय रहनेछ। 

सन् २०२५ जुन ६ देखि प्रदर्शनमा हुने यो फिल्ममा सञ्जय दत्त र ज्याकी श्राफको पनि महत्वपूर्ण भूमिका रहनेछ।