काठमाडौँ– कलाकारद्वय निराजन प्रधान र मिरुना मगर मनोरञ्जन क्षेत्रमा व्यस्त छन् । यी दुईले केही प्रोजेक्टमा एकसाथ सहकार्य पनि गरेका छन् । निराजनले करीब पाँच सयवटा म्युजिक भिडियोमा काम गरेका छन् भने मिरुना फिल्ममा बढी सक्रिय छिन् ।
निराजनको भिडियोको तुलनामा फिल्ममा उपस्थिति निकै कम छ । ह्यान्डसम मोडेलको ट्याग पाउने निराजनले फिल्मका लागि स्ट्रगल गरिरहेका छन् । उनी भिडियो हुँदै फिल्ममा आफ्नो उपस्थिति बलियो बनाउन प्रयासरत छन् ।
फिल्ममा अभिनय गरिरहेकी मिरुनाले संख्यात्मक हिसाबले पनि कमै भिडियोमा अभिनय गरेकी छिन् । उनी फिल्मबाट भिडियोमा आएकी हुन् । लालपुर्जा नामक फिल्ममार्फत रजतपटमा पाइला टेकेकी मिरुनाले त्यसपछि रोज, साइन, च च हुई, जारी, कबड्डी ४ : द फाइनल म्याच, जारी, घर ज्वाइँ लगायतका फिल्ममा अभिनय गरिसकेकी छिन् ।
