२०८१ असोज १३ गते आइतबारको राशिफल

आज मिति बि.सं.२०८१ असोज १३ गते आइतबार ई.सं.२०२४ सेप्टेम्बर २९ । कालयुक्त नाम संवत्सर सूर्य दक्षिणायन शरद ऋतु, असोज कृष्ण द्वादशी, चन्द्रमा सिंह राशिमा, मघा नक्षत्र, साध्य योग, तैतल करण ।

आज कुनै महत्त्वपूर्ण कार्यका लागि बाहिर निस्कनु पर्दा घिउ खाएर जुनसुकै दिशाको यात्रा गरे पनि शुभ फल प्राप्त हुनेछ । आज कुनै महत्त्वपूर्ण कार्यको शुरुवात वा शुभ यात्रामा निस्कँदा आजका लागि शुभ समय बिहान ०५ बजेर ५४ मिनेट देखि १० बजेर २४ मिनेट सम्म छ ।

चन्द्रमा अनुसार दैनिक फलादेश हुन्छ। २७ नक्षत्रको आधारमा राशिको नाम निर्धारण गरिन्छ। नक्षत्र अनुसार १२ वटा राशि हुन्छन्। चन्द्रमा अनुसार राशि र नक्षत्रका पद अनुसार नाम राखिन्छ। त्यही आधारमा व्यक्तिको दैनिकीको विषयमा भविष्यवाणी गरिन्छ। प्रस्तुत छ आजको फलादेश:

मेष :  आफन्तले व्यवहारमा अप्ठेरो पार्ने जोखिम देखिन्छ। जग्गा र घरको कारोबारले फाइदा हुनेछ। शिक्षा क्षेत्रको लगानीमा सफलता मिल्नेछ। परिवारमा खटपटी बढ्ने जोखिम छ। थोरै बोलेर काम मात्र गर्नु फाइदाजनक हुनेछ।

वृष : दिन रमाइलो छ। स्वास्थ्य क्षेत्रमा गरेको लगानीबाट फाइदा हुने देखिन्छ। साझेदारीमा गरेको लगानीबाट झन्झट आइपर्न सक्छ। सामाजिक र राजनीतिक क्षेत्रमा सम्मान प्राप्त हुनेछ। व्यवहार गर्दा सचेत हुनुपर्ने दिन छ।

मिथुन : समय रमाइलो छ। साङ्गीतिक क्षेत्रमा गरेको लगानीबाट उत्साह बढ्नेछ। खेल क्षेत्रमा रुचि बढ्नेछ। प्राविधिक शिक्षामा गरेको लगानीबाट फाइदा हुनेछ। राजनीतिक र सामाजिक क्षेत्रमा सम्मान बढ्नेछ।  

कर्कट :  शेयरको कारोबारमा फाइदा हुनेछ। चिट्ठा पर्ने योग छ। शिक्षामा भन्दा व्यापारमा नाफा हुनेछ। परिवारमा तपाईँको बोली कार्यान्वयन नहुने जोखिम देखिन्छ।

सिंह : वैदेशिक क्षेत्रको लगानीबाट काम बन्नेछ। धनलक्ष्मी योग परेकाले लगानी गर्न आँट गर्नुपर्ने दिन छ। अप्ठेरो परिस्थितिमा साथीको साथ मिल्नेछ। परिवारभित्र भने गुनासा धेरै सुन्नुपर्ने हुनसक्छ। सामाजिक क्षेत्रमा भने सेवाको अवसर प्राप्त हुनेछ।

कन्या : बोलीको प्रभावले राम्रो काम बन्नेछ। परोपकारी संस्था र व्यक्तिसँग सहकार्यको अवसर प्राप्त हुनेछ। धार्मिक क्षेत्रमा गरेको लगानीले जीवनमा सफलताको बाटो बन्नेछ। परिवारसँगको सम्बन्ध सफल बन्नेछ।

तुला : खानपानमा ख्याल नगर्दा स्वास्थ्यमा खटपटी आउनसक्छ। समाजसेवा गर्ने अवसर प्राप्त हुनेछ। कामको व्यस्तताले खानपानमा समस्या हुनसक्छ। परिवारको व्यवस्थापन नहुँदा खटपटी बढ्नेछ।

वृश्चिक : पश्चिमको लामो यात्रा नगर्नु राम्रो हुनेछ। कुरा काट्ने साथी शान्त छन्। न्यापूर्वक गरेको श्रमको मूल्याङ्कन हुनेछ। परिवारसँगको सम्बन्धमा वादविवाद बढ्ने योग छ।

धनु :  खर्च बढ्ने दिन छ। व्यापारमा फाइदा हुनेछ। विदेशमा भन्दा स्वदेशमै गरेको लगानीबाट आम्दानी बढ्नेछ। श्रम गरेको क्षेत्रमा नाफा हुनेछ। स्वास्थ्य क्षेत्रमा खर्च बढ्ने देखिन्छ। परिवारमा भने विवाद बढ्ने देखिन्छ।

मकर :  आफन्तबाट अपमानित हुने योग छ। धेरै तर्क नगर्नु राम्रो हुनेछ। श्रमको क्षेत्रमा न्याय मिल्नेछ। धार्मिक कार्यमा सहभागी भएमा दिन सहज बन्नेछ। सामाजिक क्षेत्रमा सेवाको अवसर प्राप्त हुनेछ।

कुम्भ : साथीभाइको झगडा देख्नुपर्ने हुनसक्छ। झुटा आरोपको सामना गर्नुपर्ने दिन छ। मन उदास हुनसक्छ। बिहानै धार्मिक कार्यमा सहभागी भएमा मन शान्त हुनेछ। आफन्तबाट धोका हुनेछ। व्यवहार गर्दा सचेत हुनु राम्रो हुन्छ।

मीन :  शिक्षा क्षेत्रको श्रमबाट फाइदा हुनेछ। सामाजिक र राजनीतिक क्षेत्रमा विवाद हुने योग छ। गोपनीयता खोल्ने बानीले घाटा हुने देखिन्छ। परिवारलाई समय नदिँदा विवाद बढ्ने जोखिम छ।