कस्तो स्वास्थ्य समस्या भएका व्यक्तिले दूध पिउनु हुँदैन ?

दूध निकै तागतिलो पेयपदार्थ हो । यसको सेवनले हाम्रो शरीरमा ऊर्जा मिल्छ । दूध धेरै पोषक तत्त्वले भरपुर हुन्छ ।

त्यसैले शरीरलाई फिट राख्न नियमित रूपमा दूध पिउनु फाइदाजनक हुन्छ । दूधमा प्रोटिन, भिटामिन ए, बी–१, बी–१२, भिटामिन डी, पोटासियम र म्याग्नेसियम भरपुर हुन्छ । माछा मासु नखाने व्यक्तिका लागि दूध प्रोटिनको मुख्य स्रोत हो ।

दूधलाई यसकारण पनि पूर्ण भोजन मानिन्छ कि यसमा प्रोटिन, फ्याट, कार्बोहाइड्रेट, सबै खाले भिटामिन र मिनरल्स पाइन्छ । यी सबै कुरा स्वास्थ्यका लागि आवश्यक हुन्छ । तर, के तपाईँलाई थाहा छ शरीरसँग जोडिएका केही त्यस्ता समस्या छन् जसमा दूध पिउनु हानिकारक पनि हुन सक्छ । 

यदि तपाईँलाई फ्याटी लिवरको समस्या छ भने दूधसँग दुरी बनाउनुहोस् । यदि यस्तो अवस्थामा दूध पिउनुभयो भने लीवरमा फ्याट जम्मा हुन थाल्छ जसले सुन्निने समस्या हुन्छ । यदि तपाईँलाई दूध तथा दूधबाट बनेका चीज खाँदा पेटमा समस्या हुन्छ, बान्ता आउँछ भने पनि सावधानी अपनाउनुपर्छ ।

कतिपय मानिसलाई दूधको एलर्जी हुने भएकाले बान्ता आउने तथा दिशामा रगत आउने जस्तो समस्या हुन्छ । त्यस्ता व्यक्ति दूध पिउनबाट बच्नुपर्छ । यसैगरी यदि तपाईँलाई पाचनसँग जोडिएका समस्या भइरहन्छन् भने पनि दूध पिउनुहुँदैन । दूध पिउँदा कतिपयलाई ग्यास्ट्रिक, अपच, कब्जियत आदि समस्या हुन सक्छन् ।

यदि तपाईँलाई दूध पिउँदा डन्डीफोर आउने समस्या छ भने पनि सचेत हुनु पर्छ ।  दूध पिउन नछोड्दा यस्तो छालाको समस्या अझै बढ्ने सम्भावना हुन्छ । शरीर सुन्निने समस्या हुँदा पनि दूध पिउनु हुँदैन ।

यस्तो अवस्थामा दूध तपाईँको स्वास्थ्यका लागि अझै नोक्सानदायक हुन सक्छ । हर्मोनल असन्तुलनको समस्या हुँदा पनि दूध पिउनु नोक्सानदायक साबित हुन सक्छ । यसले शरीरमा इन्सुलिन र हर्मोनको स्तरमा प्रभाव पर्दछ ।