काठमाडौँ– मोडल तथा कलाकार कुसुम शर्मा पछिल्लो समय चर्चामा छिन् । म्युजिक भिडियोमा व्यस्त कुसुमले फिल्म ‘वर एण्ड वधु’ बाट रजतपटमा डेब्यु गरिन् ।
उनलाई प्रकाश सपूतको गीत ‘सकम्बरी’ ले एकाएक चर्चित बनायो । उक्त गीतको भिडियोमा उनले सकम्बरीको भूमिका निर्वाह गरेकी थिइन् ।
पछिल्लो समय उनी म्युजिक भिडियो र फिल्ममा नै व्यस्त छिन् । सामाजिक सञ्जालमा पनि सक्रिय रहने कुसुमले अभिनय क्षेत्रमा नै आफ्नो करिअर स्थापित गर्ने रुचि रहेको बताउँछिन् ।
