के तपाईँको हत्केला चिलाइरहने समस्या छ, हुनसक्छ मधुमेहको संकेत 

हामीलाई कहिलेकाहीँ अनायासै हात चिलाउने हुन्छ र भन्ने गर्छौ हात चिलायो मलाई कतैबाट पैसा आउँछ,अथवा मेरो पैसा के मा खर्च हुन्छ ।

तर हात चिलाउनुको तथ्य यो होइन । छालाको कोषहरू तीव्र वृद्धि भएमा र छालाको सतहमा जम्मा भए पनि हत्केला चिलाउँछ । कहिलेकाहीँ आफै छाला कन्याउँदा पनि यस्तो समस्या उत्पन्न हुन्छ ।

साथै झिँगाको सङ्क्रमणले पनि यस्तो समस्या ल्याउँछ । र अर्को कुरा भनेको अत्यधिक हत्केला चिलाउनु मधुमेहको पनि संकेत हो । खानेकुराको एलर्जीले पनि हत्केला चिलाउँछ । कसैकसैलाई कुनै खानाले एलर्जी गरिहाल्छ र त्यसको असर हत्केलामा देखिन्छ । अन्डा, बदाम, दूध र समुद्री खानेकुराले पनि कसैकसैलाई एलर्जी बनाउँछ । यी खाना खाने बित्तिकै कोहीकोहीलाई एलर्जी भइहाल्छ ।

कार्पल टनेल सिन्ड्रोम र नाडीको हड्डीको नसाहरूमा भएको चोटपछि हात र औलामा हुने पीडाले पनि हत्केला चिलाउँछ । शरीरमा मध्यम खालको नसा दबिएमा कार्पेल टनेल सिन्ड्रोम हुन्छ । अत्यधिक लेख्दा, टाइप गर्दा तथा हात र औलाहरूको बढी प्रयोग हुँदा यस्तो अवस्था आउँछ । 

असन्तुलित तरिकाले हत्केला चिलाउनु कार्पल टनेल सिन्ड्रोमको संकेत हो । यसैगरी औषधी वा शल्यक्रियाको तरिकाले पनि यो सिन्ड्रोमको उपचार गर्न सकिन्छ ।

एस्पिरिन, आईबुप्रोफिन, कोर्टिकोस्टेरोइड्सले नसाको दबाबलाई शान्त पारी हत्केला चिलाउन रोक्छ । नशालाई दबाब दिने तन्तुलाई शल्यक्रिया गरेर पनि चिलाउने समस्या रोक्न सकिन्छ ।

छालाको समस्याले पनि हत्केला चिलाउँछ । छालासम्बन्धी यो रोग लाग्दा औलामा प्रभाव पार्छ । गर्मी र जाडो मौसममा यसले प्रभाव पार्छ । अधिकांश इसेज्माको उचित उपचार छैन । प्राइमेरी बिलियरी सिरोसिस र कलेजोसँग सम्बन्धित समस्याले पनि हत्केला चिलाउन सक्छ ।

कलेजोमा गम्भीर समस्या नआउँदै हत्केला र खुट्टाको पैताला चिलाउँछ । चिलाउने समय र अवस्था फरक फरक हुन्छ । कहिले अकस्मात् हुन्छ भने कहिले दिन वा रातमा मात्र चिलाउँछ । रगत प्रवाह गर्ने प्रणालीमा र विशेष गरी लिभरमा एसिड उत्पन्न (बाइल एसिड) हुँदा हात हत्केला चिलाउँछ । हात चिलाउने समस्या रोक्न एन्टिहिस्टामाइन दिइन्छ ।

हात चिलाउने समस्याबाट यसरी राहत पाउनुहोस् 

हातको राम्रो सरसफाइ र विभिन्न प्रकारका लोसन र क्रिमले हत्केला चिल्लो बनाउँदा धेरै हदसम्म चिलाउने समस्याको समाधान हुन्छ । छालालाई कहिल्यै पनि सुख्खा राख्ने नगर्नुहोस् ।

चिलायो भन्दै बेस्सरी रगेडेर कन्याउनु हुँदैन। समस्या गम्भीर भयो भने तत्काल चिकित्सकको सल्लाहमा औषधी प्रयोग गर्नुपर्छ । जाडो याममा हुने सुख्खा छाला वा बेस्सरी हात घोटेर धुँदा पनि चिलाउने भएकोले ढुङ्गा वा जालीले हत्केला रगेड्नु हुँदैन ।