अजय देवगनको ‘रेड २’ को नयाँ रिलिज मिति सार्वजनिक

काठमाडौँ – बलिउड अभिनेता अजय देवगनको सुपरहिट फिल्ममा ‘रेड २’ आगामी वर्ष रिलिज हुने तय भएको छ । याे वर्ष नोभेम्बरमा यो फिल्म रिलिज हुने भनिएकाे थियाे तर अब फिल्मको नयाँ रिलिज मिति सार्वजनिक भएको छ।

‘रेड’ भ्रष्टाचारमाथि बनेको फिल्म थियो जसलाई जनताले निकै रुचाएका थिए । यो फिल्मलाई दर्शकले निकै मन पराएका थिए । अब यसको दोस्रो भाग पनि आउँदैछ ।

तरण आदर्शले एक्स ह्यान्डलमा ट्वीट गरेका छन्, जसमा ‘रेड २’ को नयाँ रिलिज मिति उल्लेख गरिएको छ । यसको क्याप्शनमा उनले लेखेका छन्, ‘अजय देवगन, वाणी कपूर र रितेश देशमुख स्टारर फिल्म ‘रेड २’ को रिलिज मिति लक गरिएको छ।

अजय देवगन अभिनीत अमय पटनायकको फिल्म ‘रेड २’ जसमा उनले आईआरएस अफिसरको भूमिका निर्वाह गरेका छन्, फिल्म अब २१ फेब्रुअरी २०२५ मा रिलिज हुनेछ।

‘रेड २’ मा भ्रष्टाचारको कथालाई नयाँ शैलीमा देखाइनेछ जसले दर्शकलाई फेरी सुपरहिट फिल्म बनाउन सक्छ । राज कुन्द्राले निर्देशन गरेको फिल्मलाई भूषण कुमार, कुमार मंगत पाठक, अभिषेक पाठक र कृष्ण कुमारले निर्माण गरेका हुन्।

फिल्म ‘रेड’ १६ मार्च २०१८ मा रिलिज भएको थियो, जसले बक्स अफिसमा १५० करोडभन्दा बढीको व्यापार गरेको थियो। उक्त फिल्ममा अजय देवगन, इलियाना डिसुजा, सौरभ शुक्ला जस्ता कलाकारले महत्वपूर्ण भूमिका निर्वाह गरेका थिए ।