‘१२ गाउँ’ को नयाँ पोस्टर सार्वजनिक

काठमाडौँ – फिल्मका शीर्ष कलाकार समेट्दै ‘१२ गाउँ’ को नयाँ पोस्टर सार्वजनिक  फिल्म ‘१२ गाउँ’ को नयाँ पोस्टर सार्वजनिक गरिएको छ। 

फिल्मका निर्देशक एवं अभिनेता विराज भट्टले बुधबार सामाजिक सञ्जालमार्फत पोस्टर साझा गरेका हुन्। 

पोस्टरमा विराज र उनका छोरा समीर भट्टका साथमा अन्य कलाकारहरूलाई देखाइएको छ। सनिशा भट्टराई, न्यान्सी खड्का, सोनु चन्द्रपाल, नरेन खड्का, सुलेमान शंकर (इकु) लगायतका कलाकारहरू पोस्टरमा छन्। 

विराज भट्ट फिल्म पोडक्सन प्रस्तुतिमा निर्माण भएको सिनेमामा अर्जुन पोखरेल र निरजको संगीत, रामजी लामिछाने, सुनिल क्षेत्री रकविराज गहतराजको कोरियोग्राफी तथा प्रवीन केएल र भुपेन्द्र अधिकारीको सम्पादन रहनेछ ।

एक्सन–थ्रिलर जनराको यो फिल्ममा सन्तोष सरकारको लेखन छ। तमिल तथा कन्नड फिल्मका द्वन्द्व निर्देशक भएर काम गरेका स्टन्ट सिल्भालाई द्वन्द्व निर्देशनमा शंकर महर्जनले सघाएका छन्।

फिल्मको टिजर र एउटा गीत यसअघि सार्वजनिक गरिएको छ। फिल्म असोज २४ अर्थात दसैँको फूलपातीदेखि प्रदर्शनमा आउनेछ।