‘देवरा’ को ट्रेलरमा जुनियर एनटीआरको एक्सन अवतार

काठमाडौँ –  फिल्म ‘देवरा’ को ट्रेलर सार्वजनिक भएको छ। 

दक्षिण भारतीय अभिनेता जुनियर एनटिआर र अभिनेत्री जान्हवी कपूर अभिनीत याे फिल्मको  ट्रेलर टि-सिरिज युट्युब च्यानलमार्फत सार्वजनिक गरिएको हो । सार्वजनिक ट्रेलरमा अभिनेता जुनियर एनटिआरको एक्सन अवतार देख्न सकिन्छ । 

‘देवरा’ तेलुगुमा बनेको हो र यसलाई कोरतला शिवले निर्देशन गरेका हुन्। तर यसलाई धेरै भाषामा रिलिज गरिने छ। 

फिल्ममा एनटिआर र जान्हवीसँगै श्रुति मराठे, प्रकाश राज, श्रीकान्त, सैफ अली खानलगायत कलाकारको अभिनय छ। यसै फिल्मबाट जान्हवीले दक्षिण भारतीय फिल्ममा डेब्यू गर्न लागेकी हुन्। 

एनटीआर आर्ट्स तथा युवा सुधा आर्ट्सको ब्यानरमा बनेको यो फिल्म २७ सेक्टेम्बरदेखि प्रदर्शन हुनेछ।