बिहान उठ्नासाथ भुलेर पनि नगर्नुस् यी काम

बिहान हामीले के गर्छौ त्यसले हाम्रो दिनचर्या निर्धारण गर्दछ । यति मात्रै होइन हामीले बिहान गर्ने कार्यहरूले हाम्रो स्वास्थ्यसँग पनि सम्बन्ध राख्दछ । कतिपय यस्ता कामहरू छन्, जुन काम हामीले बिहान उठ्ने बित्तिकै भुलेर पनि गर्नु हुँदैन ।

बिहानीको सुरुवात राम्रो हुनुपर्छ । तब दिनभरको पर्फमेन्स राम्रो हुन्छ । तर, हामी जानेर वा नजानेर यस्ता गल्ती गरिरहेका हुन्छौ, जसले हाम्रो दैनिकी खल्लो बनाइदिन्छ । 

यदि तपाई पनि यस्तो गल्ती गर्नुहुन्छ भने होसियार हुनुहोस् । यी बानीले तपाईँको स्वास्थ्यलाई असर गर्छ र तपाई जानीजानी वा अनजानमा बिरामी हुन थाल्छ।

यी बानीहरूको कारण, तपाईँ दिनभरि थकित महसुस गर्नुहुन्छ र ताजा महसुस गर्दैन। जानौँ हाम्रो बिहानको यी बानीहरू जसले हामीलाई रोग निम्त्याउन सक्छ।

–  बिहान उठेपछि जतिसक्दो चाँडो ओछ्यानबाट बाहिर निस्कनुपर्छ तर धेरै मानिसहरू यस्ता छन् जो लामो समयसम्म आँखा बन्द गरेर ओछ्यानमा सुत्छन् । यदि तपाईँले पनि यसो गर्नुभयो भने तपाई दिनभर अल्छी र थकान महसुस गर्नुहुनेछ। 

– बिहान उठेपछि मनतातो पानी पिउनुपर्छ र बिहानको खाजापछि पनि निश्चित अन्तरालमा पानी पिउनुपर्छ । यसले तपाईँलाई तौल नियन्त्रणमा मात्र फाइदा पुराउँदैन, तपाई धेरै खतरनाक रोगहरूबाट पनि बच्न सक्नुहुन्छ। पानी पिउनाले शरीरबाट सबै विषाक्त पदार्थ बाहिर निकाल्छ र मेटाबोलिजम पनि राम्रो हुन्छ।

– कसै–कसैको बानी हुन्छ बिहान उठ्ने बित्तिकै चुरोट पिउने। यसो गर्ने मानिसको स्वास्थ्यमा निकै नराम्रो असर पर्छ । यो खराब बानीका कारण मानिस सानै उमेरमा पनि बुढो देखिन थाल्छ ।

–  बिहानको खाजा खान ढिलो नगर्नुहोस्। एक स्वस्थ खाजाले तपाईँलाई दिनभर ऊर्जा वान राख्न सक्छ। बिहानको खाजा खाएन भने रोग प्रतिरोधात्मक क्षमता पनि कमजोर हुन सक्छ र रोगको सिकार हुन सक्छ ।

– बिहान सबभन्दा पहिले चिया वा कफी पिउनु स्वास्थ्यका लागि निकै हानिकारक हुन्छ । आयुर्वेद र चिकित्सा विज्ञान दुवैले यसलाई सही ठान्दैनन्। यसो गर्दा पेटमा ग्यास र अन्य समस्या हुन सक्छ ।