आन्द्रा सफा बनाउन खानुहोस् यस्ता खानेकुरा

हाम्रो आन्द्रा स्वस्थ रह्यो भने हाम्रो दिमाग पनि स्वस्थ रहन्छ । हामीले खाने खानेकुरा आन्द्रामा पच्छ र त्यसबाट पोषक तत्त्व निस्कन्छ र शरीरले प्रयोग गर्छ ।

पोषक तत्त्व निस्किसकेपछि फोहोर पदार्थ शरीरबाट बाहिर निस्कन्छ । तर जब यो फोहोर राम्रोसँग बाहिर निस्कँदैन तब यो फोहोर धेरै दिनसम्म आन्द्रामा सडिरहन्छ ।

यसले कब्जियत निम्त्याउँछ, जुन अन्य धेरै रोगहरूमा परिणत हुन्छ । त्यसैले यस्तो अवस्थाबाट बच्न र हामीले आन्द्रा सफा र स्वस्थ राख्न आवश्यक छ ।  यसका लागी यस्ता जुस पिउनुहोस् । 

तरकारीको जुस

यदि तपाईँको आन्द्रामा धेरै फोहोर जमेको छ भने तरकारीको जुस खानुहोस् । यसका लागि फाइबरयुक्त तरकारी प्रयोग गर्नुपर्छ । यसमा पालक, चुकन्दर, गाजर, शलगम, अमला आदि पर्छन् । जब तपाईँ यसको रस निकाल्नुहुन्छ, यसमा पर्याप्त मात्रामा कागती प्रयोग गर्नुहोस्।  यदि तपाईँले यो जुस बिहानको खाजापछि केही दिनसम्म सेवन गर्नुभयो भने पेटमा जतिसुकै फोहोर भरिएको होस्, सबै बाहिर निस्कन्छ ।

भूइँकटहरको जुस

भूइँकटहरको जुस पेट सफा गर्न पनि निकै फाइदाजनक हुन्छ । भूइँकटहरमा ब्रोमेलेन इन्जाइम हुन्छ जसले प्रोटिन चेन तोडेर एमिनो एसिडमा परिणत गर्छ । जब जिद्दी प्रोटिन खाना पेटमा पच्दैन छैन, यो त्यहाँ रहन्छ । त्यसैले भूइँकटहरको जुसले यसलाई तोडेर पेट सफा गर्छ । भूइँकटहरको जुसले ब्लोटिङ, इरिटेबल बोवेल सिन्ड्रोम, ग्यास, अपचजस्ता समस्याहरूबाट छुटकारा दिन्छ ।

एलोभेरा जुस 

एलोभेरा धेरै प्रकारका समस्याहरूको लागि प्रयोग गरिन्छ तर एलोभेराले पेट पनि सफा गर्न सकिन्छ । यदि आन्द्रा भित्रको फोहोरको कारण आन्द्राको पर्खाल सुन्निएको छ भने त्यसमा एलोभेराको जुस धेरै फाइदाजनक हुन्छ । यसबाहेक, एलोभेरामा धेरै प्रकारका एन्टिअक्सिडेन्टहरू हुन्छन् जसले आन्द्राको पत्रलाई राहत दिन्छ । 

स्याउको जुस

स्याउ फाइबरले भरिपूर्ण हुन्छ । स्याउले तपाईँको पेटको स्वास्थ्यलाई धेरै फाइदा पुर्‍याउँछ । तर ध्यान दिनुपर्ने कुरा के छ भने बजारमा प्याकेटमा उपलब्ध स्याउको जुस फाइदाजनक हुँदैन । यसका लागि एउटा स्याउ घरमा ल्याएर त्यसमा अलिकति पानी हालेर पिसेर नछानी पिउनुहोस् । यस जुसमा कागतीको रस पनि मिसाउन सकिन्छ । यसका साथै यसमा चुकन्दर र गाजर पनि मिसाउन सकिन्छ ।