काठमाडौँ – दीपिका पादुकोणले आफ्नो गर्भावस्थाको फोटोसुटका केही तस्विरहरू सामाजिक सञ्जालमा सेयर गरेकी छिन् । अभिनेत्रीले सोमबार साँझ आफ्नो इन्स्टाग्राम अकाउन्टमा १४ वटा तस्बिर सेयर गरेकी छिन् ।
यी तस्विरहरु सेयर गरेर दीपिकाले एक किसिमले उनिहरुलाई जवाफ दिएकी छिन् जसले आफुलाई प्रेग्नेंसी फेक भनेका थिए । रिपोर्टमा अभिनेत्रीको डिलिवरी मिति २८ सेप्टेम्बर रहेको बताइएको छ ।
दीपिकाले सेयर गरेको तस्विरमा उनका पति रणवीर सिंह पनि उनीसँगै देखिएका छन् । दीपिकाकी बहिनी अनिशा पादुकोण बाहेक, बिपाशा बसु, अदिति राव हैदरी, धनश्री वर्मा, ओरी र बी प्राक लगायत धेरै सेलेब्सले यी फोटोहरूमा प्रतिक्रिया दिएका छन्।
दीपिकाले यही वर्ष फेब्रुअरी २८ मा सामाजिक सञ्जालमार्फत आफू गर्भवती भएको घोषणा गरेकी थिइन् । यो घोषणा हुनुअघि दीपिका प्रस्तुतकर्ताका रूपमा ब्रिटिश फिल्म अवार्ड बाफ्टा पुगेकी थिइन् । त्यहाँ उनले पेट लुकाएकी थिइन् । त्यसपछि एक नजिकका साथीले अभिनेत्री गर्भवती भएको बताएका थिए ।
दीपिका पादुकोणले सन् २०१८ मा रणवीर सिंहसँग विवाह गरेकी थिइन् । दुवैको पहिलो भेट फिल्म ‘गोलियों की रासलीलाः रामलीला’ को सेटमा भएको थियो । सँगै काम गर्दागर्दै दुवै प्रेममा परे र ५ वर्षको सम्बन्धपछि दुवैले विवाह गरेका थिए । दीपिका र रणवीर ‘गोलियों की रासलीलाः रामलीला’, ‘पद्मावत’, ‘बाजीराव मस्तानी’ र ‘८३’ मा सँगै देखिएका छन् । यसबाहेक दीपिकाले रणवीरको फिल्म ‘सर्कस’ मा पनि क्यामियो गरेकी छिन् ।
वर्कफ्रन्टमा, दीपिकाको अघिल्लो फिल्म ‘कल्की’ थियो, जुन यस वर्षको सबैभन्दा धेरै कमाउने फिल्म हो। अभिनेत्रीको अर्को फिल्म ‘सिंघम अगेन’ यही वर्षको दीपावलीमा रिलिज हुँदैछ । यसमा दीपिकासँगै उनका पति रणवीर पनि देखिनेछन् । यी दुवै फिल्म दीपिकाले गर्भावस्थामा खिचेकी थिइन् ।
यो खबर पढेर तपाईलाई कस्तो महसुस भयो ?
प्रतिक्रिया