बिहान कुन पानी पिउनु शरीरको लागि फाइदाजनक हुन्छ ?

काठमाडौँ – बिहान पानी पिउनु स्वास्थ्यका लागि निकै फाइदाजनक हुन्छ तर चिसो पानी पिउनु राम्रो हो कि तातो पानी पिउनु राम्रो हो भन्ने जान्न जरुरी छ । बिहान तातो पानी पिउनु पाचन प्रणालीका लागि राम्रो मानिन्छ ।

पानी हाम्रो शरीरको लागि धेरै महत्त्वपूर्ण छ। यसले शरीरलाई हाइड्रेटेड राख्छ। धेरै रोगबाट पनि बचाउँछ । त्यसैले सबैले दैनिक २-३ लिटर पानी नियमित पिउनुपर्छ ।

आयुर्वेदमा दिनको सुरुवात पानी पिउनाले धेरै किसिमका रोगहरुबाट टाढा रहन्छ भन्ने मान्यता रहेको छ । त्यसैले धेरैजसो मानिस बिहान उठेपछि पानी पिउन रुचाउँछन् । यीमध्ये कोही तातो पानी पिउने गर्छन् त कोही चिसो पानी पिउने गर्छन् । यस्तो अवस्थामा यी दुईमध्ये कुन बढी फाइदाजनक र प्रभावकारी छ, जानौं ।

तातो पानीले पाचन प्रणालीलाई सक्रिय बनाउँछ र आन्द्रामा रहेको फोहोरलाई बाहिर निकाल्न मद्दत गर्छ। यसले कब्जियतको समस्याबाट छुटकारा पाउन सक्छ। तातो पानी पिउनाले मेटाबोलिजम पनि बढ्छ। तातो पानी पिउनाले शरीरमा जमेको बोसो छिटो जलाउँछ । बिहान सबेरै तातो पानी पिउनाले छिट्टै तौल घटाउन मद्दत गर्छ।

स्वास्थ्य विज्ञहरूका अनुसार बिहान सबेरै तातो पानी पिउनुपर्छ, किनभने चिसो पानीले पाचन प्रणालीलाई बाधा पु¥याउन सक्छ । यसले अपच, ग्यास र एसिडिटी जस्ता समस्या निम्त्याउन सक्छ।

चिसो पानी पिउनाले रक्तनलीहरू संकुचित हुन सक्छ, जसका कारण रक्तसञ्चार सुस्त हुन्छ र शरीरलाई सही समयमा पोषक तत्व प्राप्त हुँदैन। यसबाहेक चिसो पानी पिउनाले शरीरको तापक्रम घट्छ, जसका कारण शरीरले सामान्य तापक्रममा फर्कन बढी ऊर्जा खर्च गर्छ र थकान महसुस हुन्छ।

आयुर्वेदमा भनिएको छ कि बिहान उठ्ने बित्तिकै एक गिलास तातो पानी पिउनुभयो भने वात, पित्त र कफ तीनवटै दोष शरीरमा सन्तुलित रहन्छन् । यसो गर्दा ५६ प्रकारका रोगबाट बच्न सकिन्छ । यसो गर्नाले पाचन सम्बन्धी समस्या हुँदैन, मोटोपना, मुटु रोग, मधुमेह, चिसो र छाला सम्बन्धी समस्याबाट बच्न सकिन्छ ।